اتعلمي من أفلام زمان.. ياسمين عز تكشف روتين العناية بالزوج

كشفت الإعلامية ياسمين عز طريقة العناية بالزوج، مشيرة إلى أنها لا بد أن يكون للزوج عناية خاصة مثل الإهتمام الزوجة بنفسها.

وقالت ياسمين عز خلال برنامجها “كلام الناس”: طول عمرك بتتكلمي عن روتين العناية بنفسك وعمرنا ما سمعنا عن العناية بجوزك.. جوزك مش بيجي في بالك خالص وأنت في الصيدلية بتشتري الكريم أبو 300جنيه.

وأضافت: ليه اختفت جملة بتحضري لينا الحمام أو حضرتلك الحمام يا حبيبي، مسمعتهاش في أفلام الأبيض وأسود.

ياسمين عز تدافع عن تامر حسني

من جانبه دافعت الإعلامية ياسمين عز عن الفنان تامر حسني بعد الهجوم عليه في الفترة الأخيرة من صفحات مجهولة على مواقع التواصل الاجتماعي، واتهامه بتزوير إيرادات فيلمه تاج.

وقالت ياسمين عز خلال برنامجها “كلام الناس”: ليه الناس كل ما تامر حسني ينزل بعمل أو فيلم يكسر الدنيا يكون فيه شوية متربصين يتربصوا بهذا النجم ويفضلوا لجان الكترونية وشوية ناس قلة ويهاجموا النجم من غير ما يعرفوا ويحاربوا الناجح، الموضوع ده خدت بالي منه من سنة.

وأضافت: الراجل ده ناجح وعنده بعض الغيراينين من نجاحه، كل ما ينزل حاجة وقبل ما تبدأ تنزل في السينما يقللوا منها، تامر عدى مرحلة الموهبة ده واحد وهو بياكل السلطة على الغدى ممكن يألف أو يخرج أغنية أو فيلم الراجل ده بيجي شامل ونجم ليه مش بنسقف للناجح عندنا ونسقف للي بره، من أيام عبد الحليم حافظ مشوفناش فنان شامل زيه جالك تامر، بيغني ويألف ويلحن ويخرج.

وواصلت: لازم نفتخر بيه ابن بلدنا، أنا لما بسافر بره بيقولوا ده أنتوا عندكم تامر حسني، ما يألف يا جماعة هو ألف قصة حياتكم، ده لازم يتقاله برافوا ليه تقولوا الايرادات مش حقيقية يا جماعة التذاكر متباعة أنتوا بتقولوا ايه، هو مش مضطر يطلع يقولك أنا جايب أعلى إيرادات.