هاني رمزي: بحب نفسي وأنا ست وبقدمه في معظم أفلامي لأنها مادة للضحك

تحدث الفنانهاني رمزيعن سبب تقديمه دائمًا دور المرأة في أفلامه، بجانب حديثه عن الفنان عمرو دياب.

وقال هاني رمزي خلال تصريحات تليفزيونية: لسه ممثلتش أحسن فيلم ليا، وبقدم دور الست في معظم أفلامي لأنها مادة للضحك، وأنا بحب الستات وبحب نفسي وأنا ست، وما بين كل فيلم وفيلم ليا وقت كبير بسبب إن مفيش أفلام، وهضيع كل اللي عملته لو عملت أي حاجه وأنا بشتغل لمزاجي الفني.

وتطرق الفنان هاني رمزي للحديث عن الفنان عمرو دياب، قائلا: إزاي عمرو دياب سينجل لحد دلوقتي، تيجي إزاي أنا بحقد على عمرو دياب بسبب كم الستات اللي حواليه، ومستحيل عمرو دياب يبقى سينجل لو سينجل مش هيعرف يغني.

واستكمل هاني حديثه: أنجح حد في جيلي كريم عبد العزيز، ونفسي أجرب قصر محمد هنيدي، ولقب نمبر وان ده نسبي.

الجزء الثاني من غبي منه فيه

على الصعيد الآخر، كشف هاني رمزي على أنه هنا نية لتقديم جزء ثان من فيلم “غبي منه فيه”، ولكن بشرط وجود سيناريو جيد.

وقال هاني رمزي: “مشروع تقديم جزء ثاني من فيلم غبي منه فيه قائم وهيفضل قائم إحنا فكرنا أكتر من مرة بسبب رحيل العظيم حسن حسني والعظيم طلعت زكريا والموضوع اتأجل قبل كده وبقى صعب”.

وأضاف: “لكن هو قائم لغاية دلوقتي وأعتقد إن إحنا هناخد شخصية سلطان بطل غبي منه فيه في أحداث جديدة زي الأفلام الأجنبي ما بتعمل ولو اتكتب سيناريو لغبي منه فيه 2 حلو أوي أنا من تاني يوم هبدأ تصوير”.