بسبب فيديوهاتهم على تيك توك.. معلم لغة عربية يهذب طلابه بطريقة تعليم جديدة

انتشر على مواقع التواصل الاجتماعي، منشورًا لمعلم لغة عربية على فيسبوك يهذب طلابه على طريقته الخاصة، بسبب عمل طلابه فيديوهات غير لائقة بشكل مبالغ فيه على تطبيق تيك توك.

وقال محمد العبد، مدرس لغة عربية: “أي طلاب عندي هلاقيهم منزلين فيديوهات تيك توك وعمالين يتنططوا ويرقصوا (بشكل غير لائق) هيبقا ليهم امتحان مخصص كل حصة، واللي هيقل في الامتحان عن 90% مش هيكمل معايا.. أنت حُر في حياتك، وأنا برضه حُر في اختيار نوعية الطلبة اللي أشتغل معاها، وياريت تستغلوا وقتكم في حاجة تفيدكم”.

ورد مدرس اللغة العربية، فى تعليقات منشوره على حسابه، قائلاً: “مش برخم على طلاب.. بس أنا مش بحب أشوفهم كدا، ومش هينفع أشوف غلط عندهم وأسكت.. ولعل وعسى نغير تفكيرهم للطريق الصحيح.. غني وارقص واعمل كل اللي يخليك مبسوط، بس مش بالطريقة الوحشة اللي بنشوفها دي.. وكلامي موجه للبنات قبل الولاد”.

وأضاف المعلم: “الفكرة إني لقيت يوتيوبر عامل ريفيو ع فيديوهات طالبة عندي وكانت الفيديوهات مش لطيفة، والبنت أساسا المفروض محجبة بس في الفيديوهات من غير حجاب ومنظر مش لطيف.. الحمدلله اتواصلت معاه ومسح الفيديو من عنده، بس أنا مش هقعد بقا كل واحدة ولا واحد يتعمل عليه ريفيوويتشهر بيه أكلم صاحب الفيديو عشان سمعة البنت أو الولد.. فالحل اللي قولته هيريحني لأني بخاف عليهم وعلى شكلهم جدا، واللي مش عاجبه يمشي والأرزاق بتاعة ربنا”.