"إنت حبي الأول وبطل روايتي".. ابنه أحمد راتب تخلد ذكرى ميلاده

حرصت لمياء راتب، ابنة الفنان الراحل أحمد راتب، على تخليد ذكرى ميلاد والدها الراحل الذي فارق عالمنا منذ عشر سنوات.

ونشرت لمياء راتب على حسابها الشخصي بموقع التواصل الاجتماعي "فيسبوك": "بكرة عيد ميلاد أبويا، الراجل اللي علمني قيمة التفاصيل والانغماس في المتع البسيطة اللي نابعة من جواك الأول".

وأضافت: "المثقف اللي حببني في القراءة وعشق العربية الفصحى، صاحب البصمة الأهم والأكبر في تكوين شخصيتي ووجداني واستيعابي للعالم".

وتابعت: "اللي اتعلمت معاه إن أي شيء غير صادق ملوش قيمة، وإن العطاء بيسعد اللي بيقدمه في المقام الأول قبل ما يسعد غيره، وإن الفطرة السليمة هي اللي هتحطنا على أول طريق الجنة".

وأردفت: "أهم الدروس اللي اتعلمتها من أبويا اتعلمتها منه وهو ساكت من غير ما يتكلم، شربت تصرفاته ورؤيته للعالم وخدت منه حاجات كتير، أسوأها فرط التفكير".

وأختتمت: "كل سنة وإنت حبي الأول وبطل روايتي ومُلهمي وصديقي الأبدي، وحشتني قوي يا بابا، يارب تكون مبسوط في الجنة".