خالد الجوادي: كولر رفض صفقة مصطفى شلبي.. وعقلية سافيو سبب ابتعاده ورحيله عن الأهلي

كشف خالد الجوادي مرتجم السويسري مارسيل كولر المدير الفني السابق للنادي الأهلي، عن بعض التفاصيل، أثناء عمله داخل جدران القلعة الحمراء.

طريقة لعب مارسيل كولر

قال خالد الجوادي: “في بداية فترة كولر كان بيلعب الضغط العالي على الحارس، كوان في مهاجم مشي من الأهلي، كولر لقاه مش بيضغط في أي مرة، راح مصفر وموقف التمرين”. 

وتابع عبر بودكاست الإيجيبشين ليج: “كولر قاله ممكن أعرف أنت مش بتضغط ليه، قاله هو أنا كل مرة هضغط، قاله طبعًا، اللاعب قاله ”مش هقدر"، كولر بمنتهى الهدوء قاله، “لما تلاقي نفسك مش قادر تضغط، ارفع إيدك وقولي يا كوتش أنا تعبت”، هخرجك برا على الدكة وأنزل واحد مكانك يقدر يضغط".

وأوضح: “الأهلي كان مخلص مع مصطفى شلبي، كولر لما شافه، قالهم لأ انا عندي لعيبة أفضل منه، عقليته في الملعب لا تصلح للنادي الأهلي، وفنيًا مش أفضل حاجة، ومش عايز اشتري لاعب هو أقل من اللي عندي”.

أزمة رحيل سافيو

وأردف الجوادي: “كان في فترة أزمة دولارات في مصر، ومع ذلك الأهلي كان بيجيب فلوس من تحت الأرض”. 

وواصل: “لقينا سافيو قاعد يتكلم في تأخير رواتب وفلوسي موصلتش، حصل قدامي إن لقيت ديانج وبيرسي تاو رايحين يتكلموا معاه، قالوله يابني إحنا بقالنا كذا سنة هنا وعمرها ما حصلت ومفرقتش من أسبوع تأخير”. 

وأكمل: “بعدها عرفنا أنه فعلا بوظ صفقة سوزا وقاله هنا بيتأخروا في الفلوس، ولو اتصابت محدش هيعالجني وهيرموني في الشارع، وكان ساعتها أكرم وكريم فؤاد بيعملوا عملية الصليبي في أكبر مركز في العالم، كولر قاله دي خيانة ومش عايز واحد خاين معايا في الفريق”.

وزاد: “بعد وصول زوجة برونو سافيو إلى مصر، وجد مارسيل كولر أن اللاعب دائم الشكوى من الإصابات، ولقينا دلع واضح منه مرة “ضهري، ومرة ركبتي”، حتى قبل لقاء صنداونز في جنوب إفريقيا، وجدنا اللاعب يصرخ في التدريب بصوت عالٍ ويبكي، ويقول أنه مصاب، وشوية أفورة”.

وأتم: “كولر عرف أنه لاعب مش بتاع فريق بحجم الأهلي، ويهمه نفسه في المقام الأول، وهنا قرر استبعاده من حساباته تمامًا”.