فرض اسلوبه بالعقوبات.. خالد الجوادي يوضح قوة انضباط مارسيل كولر مع لاعبي الأهلي

تحدث خالد الجوادي المترجم السابق للسويسري مارسيل كولر، المدير الفني السابق للنادي الأهلي، عن مدى انضباط السويسري، ورغبته في فرض النظام من اللحظة الأولى له مع القلعة الحمراء.

تصريحات خالد الجوادي

قال خالد الجوادي: “مارسيل كولر طلع أوضة اللبس لقاها أزايز على الأرض وهدوم على الأرض، وقشر موز والدنيا متبهدله، راح مطلع التليفون ومصور كل حاجة، تاني يوم في المحاضرة عرضلهم الصور، وقالهم انتوا بتلعبوا كورة بالظبط زي منظر الأوضة دي”.

وتابع عبر بودكاست الإيجبشين ليج: “كل حاجة عشوائية ومبعثرة ومفيش أي نظام، قال لهم العمال دول ناس محترمين وبتتعب وبتشقى وبتاخد فلوس قليلة مقارنة باللي أنت بتاخده”.

وأكمل: “لازم تحترم البني آدم دا، وأن أقل حاجة ترمي إزازة الماية في الباسكت، مش يقعد هو يلم كل حاجة وراك، واللاعب اللي هيعمل كدة تاني مش هيشمها تاني، الدنيا ممشيتش برضه كويس، بس لما بدأت العقوبات من الراجل دا اللاعيبة قالت دا شكله مش بيهزر”.

وواصل: “الدنيا مشيت بعد كدة مظبوطة، لدرجة أنه مكنش بيحب لاعب يلبس مخالف عن التاني، واللي يلبس شبشب واللي يلبس كوتشي”.

وأتم خالد الجوادي حديثه: “قالهم كله هيلبس لبس النادي وسبونسر النادي، وكله هيلبس نفس الحذاء بتاع النادي، احنا نادي واحد وملتزمين في كل تصرفاتنا جوة وبرا الملعب”.

الأهلي يدعو إلى جمعية عمومية عاجلة

دعا مجلس إدارة النادي برئاسة الكابتن محمود الخطيب، السادة الأعضاء العاملين الذين لهم حق الحضور لاجتماع الجمعية العمومية والمسددين للاشتراك السنوي للعام المالي 2024ـ2025، للاجتماع الخاص وذلك يوم الجمعة الموافق 19 سبتمبر الجاري والذي سينعقد للنظر في جدول الأعمال والذي من أهم عناصره: 

• اعتماد تعديل بعض أحكام لائحة النظام الأساسي للنادي الأهلي، وذلك لتتوافق مع تعديل بعض أحكام القانون رقم 71 لسنة 2017 الصادرة بالقانون رقم 171 لسنة 2025.