"قالها مستنيكي بالجزمة الجديدة".. شروق راحت تشتغل ومرجعتش من حادث الإقليمي

في بيت بسيط بمحافظة المنوفية، يجلس طفل صغير على عتبة الباب، ينظر كل لحظة نحو الطريق كل اللي يعرفه إن أخته "شروق" قالت له وهي خارجة:"هجبلك الجزمة اللي نفسك فيها لما أرجع من الشغل "بس شروق مرجعتش.

وعدته بهدية بسيطة.. فرجعت جثه

شروق خالد أبو المجد عاشور، 14 سنة، واحدة من ضحايا حادث الطريق الإقليمي الذي راح ضحيته 19 شخصًا، معظمهم فتيات خرجن للعمل في موسم العنب.

شروق كانت بتحاول تفرّح أخوها، وتوفر له حاجة بسيطة زي جزمة جديدة، لكنها ما لحقتش تحقق الوعد خرجت من البيت بـ130 جنيه، وقالت:
“هخلص شغل وأشتري له الجزمة، هيفرح بيها أوي” لكن الحلم البسيط ده اتكسر تحت عجلات الموت، واللي رجع للبيت كان نعش أبيض مكتوب عليه اسمها.

من شغل العنب للكفن

شروق خرجت تشتغل علشان تساعد، مش تطلب ما طلبتش لبس ولا موبايل، كل اللي كانت عايزاه "تفرّح أخوها"، لكن الطريق الإقليمي سرقها قبل ما ترجع تحقق حلم اخوها .