نجم الزمالك السابق: إمام عاشور أفضل لاعب في مصر بالنسبة لي.. لكن هو نقطة سودة في تاريخ النادي الأهلي

وصف نجم الزمالك السابق تعاقد النادي الأهلي مع إمام عاشور، بالنقطة السوداء، بعدما سب الأخير أحد رموز القلعة الحمراء من قبل.

وقال أحمد دويدار، نجم الزمالك السابق، في تصريحات عبر برنامج «الماتش»: «الموسم الحالي شبه المهجرنات الشعبية كلها تلقيح وشتائم وتشويه. النهاردة تلاقي لاعب بيشتم الجمهور يلعب الماتش اللي بعده، قصدي هنا على مروان حمدي، إمام عاشور بيشتم صالح سليم يروح الأهلي عادي، حسين الشحات يضرب واحد بالقلم فالدنيا تمشي عادي».

وأضاف: «إمام عاشور أفضل لاعب في مصر بالنسبة لي، لكن هو نقطة سودا في تاريخ النادي الأهلي، النهاردة الرياضة اسمها الرياضة أخلاق. لما حد يخرج بره النطاق لازم يعاقب».

وأكمل: «لازم يطلع قرارات صارمة، أنت شتمت جمهور الأهلي إتوقف 10 ماتشات زي ما حصل مع إمام عاشور، وحسين الشحات أنت ضربت لاعب بالقلم اتوقف لحد آخر الموسم».

وزاد: «ووقتها إمام عاشور اعتذر وأنا طلعت انتقدته وإزاي تشتم حد من رموز الأهلي وكان بيلعب في الزمالك، وقولت لازم يتوقف لحد آخر السنة».