عبد الباسط حمودة لـ«بصراحة»: بناتي عمري ما أدخلهم الوسط الفني طول ما أبوهم الهضبة موجود

أعرب المطرب الشعبي عبد الباسط حمودة عن سعادته البالغة بنجاح نجله في اختبارات نقابة المهن الموسيقية، مشيرًا إلى أن نجاحه جاء بامتياز، ولم يسانده.

وقال عبد الباسط حمودة في تصريح خاص لـ"بصراحة": ابني نجح في انتخابات النقابة بامتياز وعمري ما ساعدته يعني اللي يقولي أنت ساعدت ابنك والله ما ساعدته ابني شاطر بموهبته وصوته قوي أوي، وعمري ما أخلي نغمة صوته دي تغني مهرجانات ولو غنى مهرجانات أضربه.

وعن دخول بناته الوسط الفني، قال حكمدار الأغنية الشعبية: عندي 3 أولاد بيغنوا غير ابني ده وعند بنات صوتها حلو جدًا لكن عمري ما أخليهم يغنوا طول ما أبوهم الهضبة لسه موجود، أنا بعمل معاهم فيديوهات بيني وبينهم كده لكن أرفض دخولها الوسط الفني.

عبد الباسط حمودة يهاجم عمر كمال وحمو بيكا

وكان قد هاجم عبد الباسط حمودة حمو بيكا وعمر كمال، بسبب تغيرهم كلمات أغنية "انتي معلمة"، لـ "انتي معفنة"، وقال لـ"بصراحة": عيب شوفوا الكلمة الحلوة قولوها الغنى مفيهوش هزار.

وأكد حكمدار الأغنية الشعبية: اللي بيحترم بيحترم نفسه في شباب بتسمعكم بلاش إسفاف دول أساؤا لكل نساء مصر.

وعن الخلافات بينه وبين عمر كمال قال: عمر كمال ابني محدش يقدر يوقع بيني وبينه هو أنا صغير ده مش بيعمل حاجة غير لما يرجعلي سيبكم من كلام الناس اللي عايزه تريند، اللي أبوه تعبان بقى عايز يعمل تريند والمطربين كده.