عبد الباسط حمودة يهاجم عمر كمال وبيكا بسبب "انتي معفنة": عيب الغنا مفيهوش هزاؤر

أعرب الفنان عبد الباسط حمودة عن استيائه الشديد من تغيير المطرب عمر كمال وحمو بيكا لكلمات أغنية “انتي معلمة”، لـ “انتي معفنة”، مشيرًا إلى أن ذلك يعد إسفاف.

وقال عبد الباسط حمودة خلال لقائه مع “بصراحة”: عيب شوفوا الكلمة الحلوة قولوها الغنى مفيهوش هزار اللي بيحترم بيحترم نفسه في شباب بتسمعكم بلاش إسفاف دول أساؤا لكل نساء مصر.

أغنية انتي معفنة

وأضاف: عمر كمال ابني محدش يقدر يوقع بيني وبينه هو أنا صغير ده مش بيعمل حاجة غير لما يرجعلي سيبكم من كلام الناس اللي عايزه تريند، اللي أبوه تعبان بقى عايز يعمل تريند والمطربين كده.

وعن أغنية “عليا الطلاق كله بيكدب”: مينفعش أغنية تسمى عليا الطلاق كله بيكدب أنتوا بتقدموا فن الطلاق ده أكبر حرام، مينفعش يا رضا يا بحراوي أنت وكزبرة تقولوا الكلام ده.

هجوم مصطفى كامل على عمر كمال وحمو بيكا

وكان قد علق الفنان مصطفى كامل نقيب المهن الموسيقية، على تغير كلمات الأغنية، وقال في تصريحات تلفزيوينة: حمو بيكا بيبكي في التليفون وقولته أنا أعطيتك الفرصة، ليه محترمتش الإقرار والتعهد، قالي أقسم بالله مش هتحصل تاني.

وأضاف: مش فارق معاهم الغرامة، هما عايزين يشتغلوا.. وأقسمت لهم بالله لو تكرر ما فعله سيكون مصيرهم مصير كزبرة، أنا بقعد معاهم زي أولادي وبنصحهم، وهما بيحبوني وأنا بحبهم، ولكنهم عايزين يستسهلوا يمكن يكونوا تريند.