ياسمين عز تستفز الفتيات: لو متجوزتيش هتفضلي عايشة باسم واحد مش هيتقالك حرم أستاذ محمد

تستمر الإعلامية ياسمين عز في إثارة الجدل، وذلك من خلال تصريحاتها ببرنامج "كلام الناس الذي يذاع عبر قناة mbc مصر.

ووجهت الإعلامية ياسمين عز رسالة للفتيات قائلة: المتجوزين خدوا حاجات كتير أوي، وأنا هقولك ايه مميزات تكوني متجوزة، لو انتي متجوزة وبتكلمي صاحبتك في التليفون هتقوليلها اقفلي بسرعة عشان فرعوني حبيبي وصل البيت وتقفلي، لكن لو مش متجوزة هتقوليلها اقفلي عشان ماما بتنده عليا عشان أروح أشطب المطبخ واغسل المواعين.

وتابعت: لو متجوزتيش بمزاجك هتفضلي طول عمرك عايشة باسم واحد، يعني مثلا لو اسمك دنيا هتفضلي طول عمرك دنيا عادي بدون أي اضافات، ولكن بعد الجواز هيبقى عندك أسماء كتير، زي حرم أستاذ محمد أو قرينة أستاذ محمد.