خلال ندوة صحفية بموقع بصراحة| لم أُخطئ.. الكاتب الصحفي محمد هاني يكشف سبب رحيله عن الـ CBC

كشف الكاتب الصحفي الكبير محمد هاني سبب رحيله عن فضائية الـ CBC، مشيرًا إلى أنه لم يخطئ في قراره وهذا الصواب.

وقال محمد هاني خلال ندوة خاصة بموقع بصراحة الاخباري: "مغلطش لما رحلت عن الـ CBC وأسبابي أعلنتها بشكل مختصر جدًا، وهي اني هسيب الإدارة وهسهل في صناعة المحتوى بأشكال آخرى، فأنا شايف إني في الوقت ده مكنتش هقدر أدي لـ CBC اللي أنا متصور المفروض أدوهولها، ثم مصارنا إحنا كصحفيين مش موظف متنقل ".

وأضاف: "أنا سيناريو حياتي المهنية تجربة تتبعها تجربة، وممكن تبقى مش متوقعة، يعني أنا تجربتي حاليا في القاهرة والناس أنا وخير التقينا من جديد، ورجعنا مع إبراهيم عيسى، وده دفعتي ومن أعظم صحفي جيلنا إن لم يكن الأفضل".

وعن نجاح إسعاد يونس في صاحبة السعادة، قال محمد هاني: "إسعاد عملت التجربة الأهم في حياتها، بعد ما حققت نجاحات كتيرة جدًا في الفن وغيره، ولما عملت صاحبة السعادة شوفنا نموذج مش موجود في مصر ولا الوطن العربي، شوفنا فنانة عارفة يعني اي تقديم وبرنامج، وفي نفس الوقت إسعاد بنت بلد جايباها من تحت، شوفنا نموذج مقدمة برامج مشوفنهوش قبل كده، بنشوفها تقعد مع حد بيبيع في الشارع وتقعد مع فنان كبير، وبتتكلم ببساطة".

ويعد الكاتب الصحفى والإعلامى محمد هانى واحد من صناع الإعلام فى مصر والعالم العربى ، حيث ترأس عدد كبير من البرامج التليفزيونية أبرزها برنامج البيت بيتك، كما أسس وتولى إدارة قناة cbc، ونجح خلال تواجده فى تحقيق انتشار واسع ونجاح.