خلال ندوة صحفية بموقع بصراحة| محمد هاني: رأس مال الصحفي مصادره.. وده الفرق بينه وبين السوشيال ميديا

كشف الكاتب الصحفي الكبير محمد هاني عن الفرق الأساسي بين الصحفي والمواطن العادي بعد انتشار العديد من الأخبار المشكوك بها على مواقع التواصل الاجتماعي في الفترة الأخيرة.

وقال محمد هاني خلال ندوة خاصة بموقع بصراحة الاخباري: "الفرق بين الصحفي والمواطن العادي هى قدرتك على الوصول للمصدر إن لم تكن قادر للوصول للمصدر فأنت بقيت في حالة بين الشك والحقيقة، ورأس مالك هي المعلومة لأنك مش بتاخد خبر مجرد ولا تحليل، ومن ضمن النقائص أن مقالات الرأي لم تعد تبنى على معلومات بتبنى دلوقتي على انفعالات أكتر من أي شئ آخر، بالتالي أنت رأس مالك الحقيقي أنك المصدر، وكلما كنت قادرًا على الوصول لمصدر وعندك شبكة لا محدودة، هتكون قريب جدًا من القارئ".

وأضاف:"احنا في عصر تعدد الجماهير في حاجة مشهورة جدًا اسمها الذوق العام، فهل أنا أقدر أقول أن الذوق العام كذا؟.. الأذواق مش تعددت بقى ليها الالاف الأميال من الناس، الذوق العام مثلًا للغنى كنا بنقول الميجا ستار عمرو دياب وهكذا، لكن دلوقتي بقينا بنشوف أشكال مختلفة جدًا كـ راب ومهرجانات، وفي ناس بتنتهدش لما مطربي الراب يعملوا حفلات، ببيلاقوا عدد كبير من الجمهور، فيقولوا ازاي فده سببه تعدد الوثائق".

وواصل: "الانسان العادي بقى بيكون ذوقه من حاجات كتير أوي مش ذي الأول كانوا 3 قنوات تلفزيونية، دلوقتي بقى موضوع لا نهائي والجمهور مبقاش كتلة واحدة، ومفيش حاجة دلوقتي اسمها أنا بكلم كل الناس".

ويعد الكاتب الصحفى والإعلامى محمد هانى واحد من صناع الإعلام فى مصر والعالم العربى، حيث ترأس عدد كبير من البرامج التليفزيونية أبرزها برنامج البيت بيتك، كما أسس وتولى إدارة قناة cbc، ونجح خلال تواجده فى تحقيق انتشار واسع ونجاح.