خلال ندوة صحفية بموقع بصراحة| محمد هاني: التريند طول عمره موجود في الإعلام.. ومنى الشاذلي سبب نشأة CBC سفرة

أكد الكاتب الصحفي الكبير محمد هاني، أن مصطلح "التريند"، لم يظهر في الوقت الحالي فقط بل كان منتشر قديمًا، مشيرًا إلى أنه ليس سُبه.

وقال محمد هاني خلال ندوة خاصة بموقع بصراحة الاخباري: "التريند مش سُبه المشكلة في نوعه وكان زمان موجود وكل حاجة وكان الحاجة اللي أكثر الناس بتتكلم فيها، المشكلة مش فيه المشكلة اي المتركب عليه والمجتمع بيتكلم عن ايه فمش هيحصل توازن بين شكل التريند والمحتوى المتقدم والمتنوع، إلا مع وجود مساحات أكتر من الحرية ويقدر الإعلام أنه يعملها من غير ما نقلق، والناس تتفاعل معاها".

وأضاف: "أنت بتتناقش مثلًا في الرياضة أنت مش بتتكلم في اللعبة نفسها أنت بتتكلم على المخالفات اللي حواليها فلان شتم فلان عمل بس".

وعن إطلاق cbc سفرة قال محمد هاني: "منى الشاذلي صاحبة فكرة cbc سفرة وقالت عليها قبل ما تنضم لينا أصلًا كنا في مجموعة زي مبادرة بعد الثورة مباشرة شكلها حمدي قنديل، وضم فيها مجموعة من الإعلامين كنت منهم أنا ومنى، فهي في أحد المناسبات دي قالتلي نفس أعمل قناة للأكل وكده اسمها سفرة واتعملت 2015 واسسها سمير يوسف وهو كان المشرف عليها وحققت نجاح مذهل".

ويعد الكاتب الصحفى والإعلامى محمد هانى واحد من صناع الإعلام فى مصر والعالم العربى ، حيث ترأس عدد كبير من البرامج التليفزيونية أبرزها برنامج البيت بيتك، كما أسس وتولى إدارة قناة cbc، ونجح خلال تواجده فى تحقيق انتشار واسع ونجاح.