خلال ندوة صحفية بموقع بصراحة| محمد هاني يشيد بـ منى الشاذلي: مذيعة لامعة وتقدم محتوى قوي مميز

أشاد الكاتب الصحفي الكبير محمد هاني، بالإعلامية منى الشاذلي وطريقة تقديم برامجها المتعددة منذ بداياتها، مشيرًا إلى أنها من الشخصيات اللامعة والذكية.

وقال محمد هاني خلال ندوة خاصة بموقع بصراحة الاخباري: "منى الشاذلي لامعة طول عمرها من أول art، وتعبت وذاكرت كتير وأفكارها ممتازة ومتوهجة وتعليم صح في حياتهم، وشخصيتهم كانت غير بعض يعني منى غير إسعاد يونس، يعني الدكتورة هالة سرحان مفيش حد شبهها، ومنى مفيش حد شبهها ومفيش حد شبه التاني".

وأضاف: "منى عقلية كبيرة وذكية، وشافت أنها لو خرجت من إطار التوك شو اليومي هتعمل حاجة كبيرة، ودي كانت فترة عدم الاستقرار وقت الثورة، وكانت أي حاجة ممكن تتقال على التلفزيون، فهي قدرت الفكرة في منتهى الذكاء وأن الجمهور محتاج حاجة جديدة، رغم أن العاشرة مساءً كان البرنامج رقم واحد ومنى بتقدمه، فهي شافت أن حالة العصبية اللي موجودة من الجمهور محتاج يهدى شوية ويشوف حاجة بدرجة من العمق وجودة عالية، فهي خدت القرار ده، فده اللي أنا أعرفه وده في ذهنها وطلبناها في الـ cbc قبل ما تروح mbc، وبعد كده رجعت cbc وعملت برنامج معكم الذي يظل هو الأهم في الوقت ده".

وعن مقارنة الجمهور بين بعض الإعلاميين، قال محمد هاني: "في أسماء صعبة أنك تقول ده شبه ده، يعني كل الصحفيين اللي جم بعد جيل هيكل أتأثروا بيه، بس في التلفزيون معندناش هيكل أما الصحافة موجود، وعادل حمودة مش امتداد لهيكل بس شرب منه حاجات".

ويعد الكاتب الصحفى والإعلامى محمد هانى واحد من صناع الإعلام فى مصر والعالم العربى ، حيث ترأس عدد كبير من البرامج التليفزيونية أبرزها برنامج البيت بيتك ، كما أسس وتولى إدارة قناة cbc ، ونجح خلال تواجده فى تحقيق انتشار واسع ونجاح.