لميس الحديدي: الكهرباء بتقطع في الصعيد 6 ساعات والساحل الشمالي متلألئ ليه؟

انتقدت الإعلامية لميس الحديدي، بيان الشركة القابضة لكهرباء مصر الذي أعلنت فيه الالتزام ببرنامج تخفيف الأحمال على رأس الساعة، وذلك عبر برنامجها كلمة أخيرة الذي تقدمه على شاشة ON.

وقالت لميس الحديدي : مافهمتش حاجة يعني هتقطع الكهرباء على رأس الساعة وولا ذيل الساعة؟ هل هيبقى كده على رأس كل ساعة ؟ ولا مناطق معينة ؟ هل ده بيان موجه للمواطن ولا مين؟ طيب ماهي الساعات التي سوف تنقطع الكهبراء على رأسها ؟ وآلياتها ؟ هتختار أنهي ساعة؟ وإمتى مانركبش الاساسنير؟ دي حياة الناس وبيترتب عليها انقطاع المياه؟ طيب ممكن الناس تبقى عارفة فينزلوا الشارع في التوقيت ده من الحر؟.

وتابعت: لو بنتحدث عن نظام جديد مكمل معانا لفترة طويلة هذا يقلقني؟ هل خلاص كده بيان مجلس الوزراء اللي قال تخفيف الأحمال سيتوقف منتصف الأسبوع مابقاش موجود هنطبق نظام القابضة لفترة طويلة؟.. هل هذا نظام مستمر لفترة طويلة وده في حد ذاته مقلق.

وأضافت: هناك مناطق في الصعيد وصلت فيها فترات انقطاع الكهرباء ست ساعات وفي المعادي ثلاث ساعات بينما الساحل الشمالي كان متلألئ ليه العمارات التي تحت الإنشاء فيها إنارة ده مش سلوك بلد عندها أزمة في الكهرباء؟.

ت: إحنا هنا لانتحدث عن عدالة توزيع الأضرار بنوزعه على الجزء السكني، رغم أنه الأكثر استهلاكا لكن السواحل منورة بشكل مستفز؟ وأنا كنت في الساحل الشمالي.