خالد مرتجي: «كهربا حط الكورة صح في مباراة الترجي»

أكد المهندس خالد مرتجي أمين صندوق النادي الأهلي أن إدارة النادي الأحمر تحتاج إلى نظرة مختلفة من وزارة الشباب والرياضة والدكتور أشرف صبحي بسبب الأزمة التي يمر بها النادي الأحمر مؤخرًا.

وقال “مرتجي” :”محتاج من وزارة الرياضة تبص للأهلي شوية بدل ما تبص للأندية الثانية فقط، الأهلي بيفتح الفرع الرابع ومحتاجين دعم، وزير الرياضة بدل ما يبص على نادي تاني يبص على الأهلي”.

وأضاف “مرتجي” خلال مداخلة مع برنامج “الحكاية” على قناة “mbc” مصر تقديم الإعلامي عمرو أديب :”عايزين نعمل منشآت تانية، وعندنا أزمة مالية زي بقية الأندية ومحتاجين من وزير الرياضة يبص علينا”.

وتابع :”النادي الأهلي مش بياخد حاجة من الدولة احنا عايزين الدولة تبص علينا، لأني مفرخة الدولة وبطلع لاعبين للمنتخبات”.

ومن جانبه حرص الإعلامي عمرو أديب على سؤال “مرتجي” :” آمال الزمالك يعمل اية او الإسماعيلي؟” ورد “مرتجي” :” إحنا عندنا عشرين لعبة في النادي مش لعبة واحدة، وبقول مبروك للزمالك على فوز إمبارح ببطولة كأس الكؤوس الإفريقية، إحنا عندنا فريق اليد دخل في 4 بطولات فاز بـ 3″.

وهنا تدخل “عمرو أديب” قائلا :”طب وفر فلوس كهربا اللى هتدفها وخليه يشوف اكل عيشة في حتة تانية مش لازم كهربا؟”

ورد “مرتجي” :”شوفت الكورة ياعمرو اللى حطها كهربا النهاردة، طب شوفت الكورة دي كهربا “حطها” صح”.