ويجز هو رئيس المصلحة..هاني شنوده يعرض على وجز رغبته في التلحين له

قال الموسيقار هاني شنوده، خلال استضافته، في برنامج الستات مبيعرفوش يكدبوا، الذي تقدمه الأعلامية مفيده شيحه، عبر قناة النهارأن مصر مليئة بالمواهب.

عرض هاني شنودة لـ ويجز وقال شنوده:"لسه عرضى قائم برغبتي في التلحين لمغني الراب ويجز، وأرى أن ويجز هو رئيس المصلحة دي فاذا دخلت للرئيس الباقي كله هيعمل نفس الحكاية".

وأضاف:"نحن في زمن ويجز، واغاني المهرجانات اختفت في وجود ويجز وأحمد سعد، وانا مكنتش حابب مرحلة المهرجانات بسبب الكلمات مش الألحان ولا الأصوات ولكن الترويج للمخدرات وترديد الألفاظ الخارجة انا ضدها".

وأكمل:"احنا في مرحلة الراب وعلشان كده عايز اتعاون مع ويجز والحن له، هو من حقه يتقل عليا لإنه بيعتقد إن القدام مخهم مقفل وهما اللى بوظوا الدنيا وده احساس عام في الجيل الجديد واحساس مقبول".