أخرجي من بيتك لابسة قفة.. رولا خرسا لـ"مبروك عطية":" كلامك بيدي رخصة لأي شخص يقتل"

انتقدت الإعلامية رولا خرسا، حديث الدكتور مبروك عطية، عن المرأة وأنها لابد من خروجها بشكل معين حتي لا تتعرض للقتل.

ونشرت رولا خرسا عبر حسابها الشخصي بموقع تبادل الصور والفيديوهات الشهير "انستجرام"، صورة للدكتور مبروك عطية، ومكتوب عليها:" لو حياتك غالية عليكي اخرجي من بيتك زي القفة"، لتوجة خرسا رسالة شديدة اللهجة له،قائلة: بعد حديثة عن

انا عندي صدمة في دكتور مبروك عطية..العالم الجليل الي كنت حريصة علي متابعته لعلمه وخفة دمه..مصدومة جدا من كلامه".

وتابعت "لما المشايخ تكلموا عن الحجاب سمعنا من يقول حرية شخصية، كويس، المرأة والفتاة، تتحجب عشان تعيش، وتلبس واسع عشان متغريش، وغض البصر للرجال المحترمة، لو حياتك غالية عليكي اخرجي من بيتك قفة، لا متفصلة ولا بنطلون ولا شعر على الخدود، عشان وقتها هيشوفك اللي ريقه بيجري ويقتلك".

ووجة خرسا رسالة لمبروك عطية :" عارف معني كلامك يا دكتور مبروك؟؟؟ يعني انت بتدي رخصة لاي شخص انه يقتل او يتعدى علي اي واحدة محجبة؟؟؟ يعني انت شايف ان الحجاب هو الي حيحمي البنت؟ مش اخلاق الراجل الي ماشي في الشارع؟

يعني انت شايف انه معلمش ابني يحترم اي بنت الا لو محجبة؟ يعني انت شايف ان الي مش محجبة بنت مش كويسة؟؟".

وأوضحت :" طب ما هو برا الستات بتمشي لابسة شورت ونفس الرجال الي هنا اما بيسافروا برا بيغضوا البصر عشان خايفين لاحسن يتمسكوا تحرش بالنظر".

وتابعت:" دكتور مبروك ربنا ما فرقش بين الراجل والست غير بالقوامة يعني انه يكون مسؤول عنها ويصرف عليها.. ليه ما انكلمتش عن قلة القوامة وعن الرجال الي ما بيصرفوش ؟؟ وفرق في الورث عشان المفروض ودا ما بيحصلش ان الاخ يصرف علي اخته..وفي الشهادة عشان الستات في وقت معين بيكونوا حساسين اكتر من اي وقت تاني..غير كدة الراجل زي الست".

واختتمت حديثها، قائلة :"حرام يا دكتور والله .. احنا بنعاني من الامخاخ الذكورية الي لا عايزة تحترم الست ولا عايزة تديها حقوقها تيجي انت نديهم رخصة انهم يقولوا شيخ مبروك قال….!!!! فعلا..لا عزاء للسيدات… معانا ربنا".

وكانالدكتور مبروك عطية، حذر الفتيات من الخروج بملابس مثيرة، بعد جريمة القتل التي حدثة لطالبة جامعة المنصورة، ونشر فيديو له عبر حسابه بموقع التواصل الاجتماعي فيسبوك، قائلا:"حياتك غالية عليكى اخرجى من بيتك قفة لا بنطلون ولا شعر ع الخدود، هيشوفك اللى ريقه بييجرى وممعهوش هيدبحك، عرفتوا بقا فيه بعد آخر للحجاب ليس فقط دينى، المهفهف ليه والمقمط ليه علشان مين يشوفه يا بت؟".