الرئيس السيسي: لما بدأنا نصلح التعليم الدكتور طارق شوقي خد على دماغه لما مات

قال الرئيس عبدالفتاح السيسي، إنّه يرى دائما أنّ الرعاية الصحية والنمو السكاني «أمن قومي» والتعليم أيضا «أمن قومي»، متابعا: «لما جيت أتكلم في التعليم وبدأنا نصلحه بجد، الدكتور طارق شوقي خد على دماغه لما مات، انتوا عاوزين تعليم ولا مش عاوزين».

وأضاف الرئيس السيسي، خلال كلمته في فعالية المشروع القومي لتنمية الأسرة المصرية، التي تستضيفها العاصمة الإدارية الجديدة: «لقاءاتنا دي هدفها توعية حقيقة لواقعنا، وإننا منتكسفش ونتكلم، الوزراء قالوا كلام مترتب هيفهموا ناس كتير، وفي ناس محتاجة كلام أكتر من كده علشان يوصلها».

وتابع الرئيس السيسي: «معدلات النمو 6%، هو اللي زينا ينفعه 6%، اللي زينا عاوز 60% عشان نوصل لـ5 ترليون دولار دخل ناتج محلي لـ100 مليون، عشان أقدر أقدم الخدمات اللي بتتقدم في أوروبا، وأدي تعليم زي اللي في أوروبا، ووعي وتوعية زي أوروبا، ولما عملنا قوائم انتظار مبيخلصوش وبيزيدوا».

وقال :”انا عاوز اقولكم على حاجة.. احنا بنتكلم من كام شهر.. علشان عايزين مستوى متقدم اوى في النظم.. علشان بس بقولكم بيتخرج من عندنا 700 ألف طالب جامعي.. انا كلامى كاشف ولا مألوم.. هقولكم حاجة.. قولت الكلام ده من 3 سنين.. من أيام الدكتور ياسر وزير الاتصالات السابق وبنكلمه حاليا.. بنبى فرصة عمل مبنية على النظم.. بقول للمصريين.. المهتمين بالمواطنين ولادكم ومستقبلهم.. الكلام ده والله أن كل الكلام الإصرار والقتال والعمل من أجلك يا مصر.. قسما بالله.. قسما بالله".