الزمالك مش هينافس على الدوري.. خالد الغندور يصدم جماهير الأبيض بعد رحيل دونجا

قال الإعلامي خالد الغندور عبر برنامج الحريفة على راديو أون سبورت أن الزمالك بذلك أصبح خارج المنافسات على أي بطولة

تصريحات خالد الغندور  

 وقال الغندور :"الزمالك برحيل دونجا بيعلن رسمياً أنا مش هنافس على الدوري، لو سمحتوا يا جمهور الزمالك أنا مش هنافس على أي بطولة، أنا راجل ببيع لعيبتي المهمة عشان محتاج فلوس"

وتابع :" أنا بعت ناصر ماهر لبيراميدز، في أول ماتش ليه في دوري أبطال أفريقيا عمل أسيست وجاب جول في أقوى فريق بينافسني اللي هو نهضة بركان"

وواصل:"محمود جهاد مصاب وعايز أبيعه، وعندي شحاتة مصاب وهو أساساً مش 6 بمعنى كلمة 6، وعندي عبد الله السعيد راجع من إصابة وهو أساساً عمره ما كان 6 ده 10 ووظفته 8 فلا يمكن أوظفه 6، وآدم كايد أحسن مكان ليه 10
 فأنا مش عايز أنافس، أي واحد بينافس بيقوي فرقته مش بيضعفها، بيزود لعيبته الجامدة اللي في الـ 11 مش بيقللهم"

وأكد :"أنا عندي مشاكل مالية فأنا بوصل رسالة للاعيبة وللجمهور ولمعتمد والناس كلها وللإعلام: يا جماعة أنا ببيع أهم لعيبتي لأن أنا عليا قضايا " 

واختتم :" في النهاية، آه اسم نادي الزمالك هو اللي ممشيه، قوة جمهوره العظيم والكبير هو اللي ممشيه، هو اللي بيخليه يكسب المصري، هو اللي بيخليه يكسب بتروجيت

 بالعكس أنت المفروض تسعى للوصول لدوري أبطال أفريقيا المؤهل لكأس العالم. طب النهارده أنا بقول لكم الطبيعي في الشكل العام باللي بيحصل إن الزمالك يطلع الثالث، الإنجاز إنه يطلع (التاني)