إبراهيم حسن: أبارك للجمهور المصري التأهل إلى كأس العالم.. وقادرين على تحقيق إنجاز المغرب

أعرب إبراهيم حسن مدير منتخب مصر، عن سعادته بعد التأهل إلى نهائيات كأس العالم 2026 القادمة، بقيادة توأمه حسام حسن.

تصريحات إبراهيم حسن

قال إبراهيم حسن: “بقول للشعب المصري وجمهور مصر، أنتوا تستاهلوا أحسن من كده وفي كل المجالات مصر هتعلى وهتبقى في حتة تانية، لأن عندنا قيادة محترمة تقدر تقود البلد للطريق الصح”.

وتابع في تصريحاته عبر ملعب أون: “المعادلة اللي الناس مش واخدين بالهم منها، إن بتوفيق ربنا الصعب بقى سهل، بقينا نشوف إننا وصلنا لكأس العالم بسهولة”.

وأكمل: “فيه ناس نواياها مش كويسة بتبقى عايزة تهد أي حاجة، بيهدوا المكسب والنجاح، إحنا كمصريين في المنظومة كلها ليه منشجعش بعض وننجح المدرب المصري، ولا احنا غاويين ندفع فلوس في الهوا”. 

وواصل: “لازم نحافظ على بعضينا، أنا وحسام جايين عشان بنحب البلد دي مش عشان شغل، قبل ما نمسك المنتخب شوفنا إن موضوع المنتخب بعيد وقولنا نبعد عن القصة دي لأن فيه ضغوط بتتعمل عشان منبقاش موجودين”. 

وزاد: “ربنا سبحانه وتعالى كان كاتبها في الوقت المناسب غصب عن أي حد، ربنا مبيتعاندش”.

وأتم إبراهيم حسن حديثه: “إحنا منتخب مصر، وقادرين نحق نتايج إيجابية في كأس العالم 2026، زي اللي عمله منتخب المغرب في المونديال اللي فات”.

نتيجة مباراة مصر وغينيا بيساو في تصفيات كأس العالم 2026

وكان منتخب مصر الأول لكرة القدم، قد فاز في لقاء الجولة الأخيرة في تصفيات كأس العالم 2026، على غينيا بيساو بنتيجة 1-0، وذلك بعد ضمان وحسم التأهل منذ الجولة قبل الأخيرة، وضمان الصعود إلى نهائيات مونديال أمريكا 2026 القادم.

وزير الشباب والرياضة

تحدث الدكتور أشرف صبحي وزير الشباب والرياضة، أن ما تحقق في مصر خلال السنوات الثماني الأخيرة يُعادل ما أُنجز خلال أكثر من سبعين عامًا، مشيرًا إلى أن الجمهورية الجديدة تُعد نموذجًا حقيقيًا للتنمية والتقدم في مختلف المجالات، ومنها الرياضة.