شريف عامر لـ «كلم ربنا»: عتبت ربنا على موت صديقي.. وبكيت لما عرفت مرأتي حامل( فيديو)

قال الإعلامي شريف عامر، إنه على يقين تام بأن الله يحبه، وهذا الشعور العميق دائمًا ما يرافقه، موضحًا أنه كان يشارك زملائه هذه الفكرة ويقول لهم بثقة: «أنا متأكد أن الله يحبني جدًا».

وأضاف «عامر»، خلال حواره لبرنامج «كلم ربنا»، تقديم الكاتب الصحفي أحمد الخطيب، على الراديو «9090»: «كانت حالتى الاقتصادية تعبانة وعرفت أنه هيجينى طفل تالت، كنت بعيط وببكي لحظة ما عرفت».

وأوضح: «كانت لحظة صعبة، وقتها كنت في رمضان بفطر عند أهلى وأهل مراتي يوم آه ويوم لأ، عشان مفيش فلوس».

وتابع: «مش معايا غير 4 لتر بنزين في عربيتى بس، ومفيش أكل في البيت، كنت في مدينة الإنتاج وقتها وكنت بصور برنامج».

وأكمل شريف عامر: «قلت: يا رب اعمل إيه، فتولانا يا رب أنا وهما، والنهارده بعد الدنيا ما اتغيرت وربنا سترنى وكرمنى بعدى على نفس المكان وبشكر ربنا، والطفل التالت أصبح فاكهة حياتى».