مصطفي كامل عن أزمة شيرين عبد الوهاب:"معرفش رقمها"

تحدث الفنان مصطفي كامل نقيب المهن الموسيقية، عن أزمة الفنانة شيرين عبد الوهاب، مع شركة روتانا.

قال الفنان مصطفي كامل نقيب المهن الموسيقية، في تصريحات تليفزيونية:"أنا مش عارف هي فين، وفي المشاكل الأخيرة مطلبتنيش ولا عارف رقمها، بسمع أخبارها زيي زي الناس اللي برة، رغم إن قضيتها ليست بعيدة عن اختصاصات النقابة".

أما عن أزمة هيفاء وهبي:"مشكلة هيفاء وهبي كانت بسيطة انتهت بمكالمة تليفون، وفيه أزمات كثيرة للفنانين بجيبهم في المكتب وأخلص الحكاية بعيدًا عن الإعلام والصحافة، وأنا لا أملك شيء لـ سعد الصغير غير الدعاء، لأنها قضية ومقدرش أروح أزوره".

أما عن حفل أنغام الأخير، فقال: شعرت بالفخر والعزة لما سمعت حفلة أنغام الأخيرة، أنغام عملت لي نشوة، بعد ما كان لدي إحساس إن جيلنا قد قتل، رجعتني تاني وانتابتني حالة من الفخر.

وفي الأيام الماضية، عقد مصطفى كامل مؤتمرًا صحفيًا، داخل النقابة، قال فيه: السنة اللي فاتت لما أصريت على تغيير الناس اللي بتروح الساحل قولتهم لو الساحل مجبش للنقابة 20 مليون جنيه هستقيل.. السنة دي جاب 20 مليون و800 ألف جنيه لما غيرت المطربين.