فريدة سيف النصر تدافع عن الفنانة مها أحمد:«الشعب كله بقى على التيك توك اشمعنا هي تعباكم»

دافعت الفنانة فريدة سيف النصر، عن مها أحمد ذلك بعدما، بعد حملة الهجوم الحاد الذي تعرضت لها الفترة الأخيرة بسبب ظهورها على التيك توك.

كتبت فريدة سيف النصر منشور على حسابها الشخصي بموقع التواصل الاجتماعي الفيسبوك:«مها أحمد حراقة وتعباكم، وفي بعض المذيعات حاطينها في دماغهم انتوا مالكم ومالها السوشيال ميديا مليانة بلاوي ما تتخانق ولا تعمل تيك توك براحتها ده كفاية لبسكم ومكياجكم ما انتوا بتعملوا كل حاجة ..الشعب كله بقى على التيك توك اشمعنا هي تعباكم كل واحد ادرى بظروفه سببوها في حالها، الناس تعبانه واي حاجه تجيب مصروف عيالهم بشرف بيعملوها ايه شوفتوها قلعت وبتتصور ولا نزلت كباريهات"!!».

تابعت فريدة سيف النصر:«يشرفني ادافع عن ست سمعتها الماظ..ربنا يخليلها جوزها المحترم وأولادها، تقدروا تتكلموا عن اللوكات والهدوم اللي مش موجوده في صور الممثلات اللي في كل المواقع.. اتقوا الله في بعض».

كما هجمت فريدة سيف النصر الإعلامية ياسمين الخطيب:«عيب عليكي تدخلي الراجل المحترم في النص انتي كمان ممكن نقول عليكي بتتلزقي فيه انتي بتشحتي عليها، وهو سيادتك لو خاطبتي منتجينا وقنواتنا المحترمة هيقولوا لأ واصلا تتدخلي ليه تطلبي لها ليه».

الجدير بالذكر أن الفنانة فريدة سيف النصر، شاركت في السباق الرمضاني الماضي من خلال مسلسل «العتاولة» بطولة أحمد السقا، طارق لطفي، باسم سمرة، زينة، صلاح عبدالله، مي كساب، ميمي جمال، فريدة سيف النصر وآخرين. تأليف هشام هلال، وإخراج أحمد خالد موسى، وإنتاج سيدرز آرت برودكشين.