مصطفي أبو سريع يكشف حقيقة هجوم محمود حافظ على الجمهور

كشف الفنان مصطفي أبو سريع حقيقة هجوم الفنان محمود حافظ على جمهوره، ذلك بعدما انتقدوا دوره في مسلسل «عمر أفندي».

مصطفي أبو سريع يكشف حقيقة تصريحات محمود حافظ 

 قال مصطفي أبو سريع في تصريحات لــ برنامج «الراديو بيضحك» المذاع على الراديو 9090 :«التصريح اللي مكتوب دا مش من محمود دا متفبرك، أنا عارف محمود واحنا صحاب من أيام ثانوي، وعمره في حياته ما يقول كده، كلام اللي الناس قاعدة في التكييف واحنا بندفع ضرايب دا مش كلام محمود، هو عمل الشخصية حلو أوي».

وأضاف :«الناس انتقدته عشان عملوا مقارنة بين شخصيته في عمر أفندي واقي الشخصيات اللي عملها وحسوا أنهم شبه بعض، والناس دايمًا بتختلف الآراء بتاعتها عن أي عمل فني، والناس المفروض تنقد بطريقة تخلي الفنان يطور من نفسه مش يكتأب».

يُذكر أنه تم تداول تصريح منسوب للفنان محمود حافظ، على مواقع التواصل الاجتماعي، كاتبًا: «احنا اللي بندفع ضرايب البلد، قولي انت بتعمل إيه غير إنك بتشتم فينا وأنت قاعد تحت التكييف».

أبطال مسلسل عمر أفندي 

مسلسل «عمر أفندي» من بطولة أحمد حاتم، مصطفى أبوسريع، آية سماحة، رانيا يوسف، محمد رضوان، محمود حافظ، أحمد سلطان، زينب العبد، ومن تأليف مصطفى حمدي، وإخراج عبدالرحمن أبوغزالة.