مصطفي أبو سريع يشيد بـ إداء أحمد حاتم في مسلسل «عمر أفندي»

أشاد الفنان مصطفي أبو سريع بـ الفنان أحمد حاتم، ذلك بعدما تتعاونوا مع بعض في مسلسل «عمر أفندي» الذي حقق نجاح كبير وقت عرضه.

قال مصطفي أبو سريع فى لقائه ببرنامج «الراديو بيضحك» على راديو “9090”: أحمد حاتم من الأشخاص المريحة جدا نفسيا وإنسانيا، شخص الواحد يحب يعرفه في حياته اشتغلنا قبل كده في فيلم "الهرم الرابع" وكان ناجح جدا. وفي بينا تفاهم وكيمياء كبيرة، وفي مشاهدي معاه بحس إني حقيقي مش بمثل».

كما كشف الفنان مصطفى أبو سريع، عن كواليس مشهد الاستعانة بـ أغنية عمرو دياب «ياقمر لو في اتنين منك»، قائلًا:«المشهد مكنش مكتوب وكان اقتراحي إن إزاي دياسطي يحب وهو معندوش تجارب في الحب».

وأضاف:«المشهد مبني على مشهد سابق من فيلم اللمبي، وأنا كنت عايز أنوه عليه وحابب أحمد يتكلم فيه لأنه جاي من زمن لزمن تاني فيه تفاصيل ينفع يستخدمها في الأربعينات».

وتابع:«اقترحت عليه نقول أغنية يا قمر لو في اتنين منك لعمرو دياب، لأن الكلمات مش هتبقى مناسبة لتفكير دياسطي في الزمن ده».