لايف بصراحة| «بعاني وأنا سايقة عشان بنتي على رجلي».. شيماء ست بـ 100 راجل وأول سائقة توك توك في الدقهلية

“بعاني وأنا سايقة التوكتوك عشان بنتي على رجلي بس بستحمل علشان خاطر أساعد جوزي فى سداد الديون اللي علينا”، بهذة الكلمات المؤثرة كشفت شيماء محمد  أول سائقة توك توك بالدقهلية، عن سبب قيامها بسواقة التوكتوك موضحاً انها تقوم بهذا العمل من أجل مساعدة جوزها فى سداد الديون الخاصة بتكاليف جوازهم،  وتأمين احتياجاتهم الشخصية فى ظل ارتفاع مستوي المعيشة.

وقالت شيماء أول سائقة توكتوك فى الدقهليه فى تصريحات خاصة لموقع بصراحة الإخباري :" كنت بشتغل من أيام ثانوية عامة عند الناس، وبعد ما خصلت الكلية قمت بتأجير توك توك واشتغلت عليه من أجل  توفير الإحتياجات اللازمة الخاصة بجوازي، علشان أساعد نفسي بنفسي وما احتاجش مساعدة من الناس".

شيماء  أول سائقة توكتوك فى الدقهليه: جوزي عليه ديون جديد حوالي 100 ألف جنيه

وتابعت شيماء  أول سائقة توكتوك فى الدقهليه فى تصريحاتها:" جوزي عليه ديون جديد حوالي 100 ألف جنيه بسبب الديون المتعلقة بجوازنا وانا وجوزي بنشتغل طول النهار ومش بنقعد من أجل سداد تلك الديون"، موضحة :" بشتغل وأنا شايلة بنتي على رجلي علشان أساعد جوزي وأسانده في محنته، جوزي عليه ديون كتير وهو شغال عامل فى كافتيريا، فيدوب المرتب على القد مش بنعرف نوفر حاجة منه".

شيماء  أول سائقة توكتوك فى الدقهليه: كنت بعاني من مضايقات كتير فى بداية عملي

وأضافت شيماء:" كنت بعاني من مضايقات كتير فى بداية عملي فى الأول وكنت بخاف اني أركب رجالة معايا علشان كانوا بيضايقوني فى كلامهم، بس دلوقتي الحمد الله كل الناس بتدعيلي وبيشجعوني على مواصلة هذا العام، علشان أقف جنب جوزي فى سداد ديونه، معقباً أنها  بقت ليها علاقات جيدة مع بعض الزبائن، وقت لما يحتاجوني بيطلبوني".

وتابعت شيماء:" أنا نفسي حد يساعدني ويشتري ليه توك توك خاص بيه يكون ملكي،  أو حد يساعد جوزي فى سداد ديونه، احنا علينا ديون كتير أووي من تكاليف الجواز فى حدود 100 ألف جنيه".