دلوعة ماما الكومبارس.. رضوى الشربيني تستجوب حسام حبيب بشأن علاقته بشيرين وابنتها

شنت الإعلامية رضوى الشربيني، هجوم على الفنان حسام حبيب، ذلك بعد تعديه عليها بالضرب داخل فيلتها بالتجمع.

قالت رضوي الشربيني في فيدي على حسابها الشخصي بموقع التواصل الاجتماعي الفيديو على حسابها الشخصي بموقع التواصل الاجتماعي الفيسبوك:"بتقول انك قد إيه محترم.. فيه راجل محترم يقف يصور الست اللي مش عارفة مسماها إيه مراتك أختك خطيبتك بنت عمتك اتبنتها؟ إيه يخلي راجل يجيب تليفون يصور واحدة وهي منهارة ومبقاش فاضل حاجة وعمالة تتدغدغ وتكسر وانت بتصورها احتياطي يعني ولا إيه؟".

وتابعت رضوي الشربيني حديثها:"إنت في حياة شيرين تحت أنهي مسمى بتجيب فلوس منين، طالما مش شغال معاها، وفي حالة كنت شغال معاها كنت بتاخد نسبة كام وليه اتهمت أخوها والشركة إنهم نصابين علشان أخدوا منها نسبة اشمعنى هما وأنت لأ".

بأي صفة بتحوش بين شيرين وبنتها؟

وأضافت رضوى الشربيني:"زي ما قرأنا أن حضرتك ما ضربتهاش وكنت بتحاول تشيلها من على بنتها، وقلت مقدرش أقول لكم شيرين الوحش الكاسر كانت بتعمل إيه علشان ما أقضيش عليها وتبقى انتهت، ولكن بأي صفة لا أنت جوزها ولا خاطبها ولا أبوها ولا حد، وبأي صفة بتحوش بين شيرين وبنتها، أمال أفشت على أخوها ليه، لما أخد عشرين بلطجي علشان ينقذها على الأقل وقتها ما شفناش وشها متشلضم، أخوها كان عاوز يعالجها أولى بيها دي أولا".

وتابعت رضوى الشربيني:"تاني سؤال بأي صفة موجود هناك، وكنا سمعنا إنك بتبارك ليها علشان خطوبتها وقررت تعمل أغنية علشان تبارك ليهم، وأنت إنسان منفتح فين الأغنية يا حسام ما سمعناش إلا الفويس نوت".

وأكملت: “تالت حاجة، طلعت المتحدث الرسمي باسم شيرين بأمارة إيه.. هل خطيبها موافق ولا مفيش خطيبها أصلا، إيه موضوع الرسايل الصوتية اللي بتتسرق على تليفونك وأنت لا تعلم، إحنا مبنسمعش أغاني لحسام ومبنسمعش غير رسائل صوتية”.