رضوى الشربيني تعتذر لـ شقيق شيرين عبد الوهاب:" أنا آسفة واللي يغلط يعتذر"

قدمت الإعلامية رضوي الشربيني اعتذار لـ محمد عبد الوهاب شقيق شيرين عبد الوهاب، لهجومها عليه في السابق ودفاعها عن حسام حبيب.

وقالت رضوى الشربيني في فيديو على حسابها الشخصي بموقع الفيسبوك:"أنا هاجمت أخو شيرين في برنامجي وكنت بدافع عن حسام حبيب، أنا آسفة واللي يغلط يعتذر، لو أخوها نصاب وكان معاه توكيل لما شيرين دخلت المستشفى ما بعش لنفسه كل حاجة ومحجرش عليها ومعملش اللي أنت عملته ليه؟".

وأضافت رضوى الشربيني:"من حقك تمشي من أي علاقة ما تعجبكش بس امشي بشياكة وبعدين حد ضربك على إيدك، أنا سمعتها في مداخلة بتقول لما تشوفوا حسام تبولوا على وشه، كملت ليه يا معلم، حد ضربك على إيدك؟ أنا مش راجل ولو حد طلع في برنامج يقول كده لو في عيش وملح بينه وبينه أقل واجب هسكت من غير قضية سب وقذف".

واختتمت رضوي الشربيني حديثها:"لما تقول أصلي بحبها، فيه حد بيحب واحدة يسلمها للأموال العامة، قول الكلام ده في النيابة علشان تدافع عن نفسك، مش على الملأ، بيقول في التسجيل الصوتي إذا كنت أنا واخد 5 آلاف دولار، فهي جيباهم منين؟ نشوف الأموال العامة هتعمل إيه معاها.. هل ده يعقل؟".