فتاه تفضح شركة أوبر: دول مش بس بيخطفوا ويقتلوا الناس لا بقوا يسرقوهم كمان

في واقعة تثير الانتباه وتجلب الاهتمام إلى مسألة الأمان الرقمي، تنقل شابة تدعى دعاء فتحي تجربتها المروعة مع شركة أوبر، حيث تعرضت لاحتيال مالي من خلال سحب مبالغ كبيرة من حسابها بطريقة غير شرعية ودون علمها في هذه الواقعة تسلط الضوء على خطر التعرض للاحتيال عبر الإنترنت وتأثيره على حياة الأفراد، مما يجعلنا نتساءل عن كيفية حماية خصوصيتنا وأموالنا في زمن التكنولوجيا الرقمية."

فتاه تكشف تعرضها للاحتيال  من شركة أوبر

 تكشف فتاه عن تعرضها للاحتيال من جانب شركة أوبر، حيث تم سحب مبالغ مالية من حسابها البنكي بدون موافقتها أو استخدامها لأي خدمة من تطبيق أوبر.

وقالت في منشور على حسابها الشخصي على منصة فيسبوك: أنا حصل احتيال لبياناتي من خلال شركة أوبر، وبيسحبوا من الفيزا المربوطة على الأبلكيشن أكتر من مبلغ.

خصم فلوس لأبلكيشن أوبر

وأضافت دعاء: امبارح لقيت البنك بيبعتلي رسايل إن بيتم خصم فلوس لأبلكيشن أوبر، مع العلم إني مكنتش مستخدمة الأبلكيشن في الوقت ده، في لحظتها حذفت الفيزا من الأكاونت اتفاجت إن الأبلكيشين عمل بلوك للأكاونت بتاعي ورافض يخليني أدخل مرة تانية، وفي وقتها رقم أمريكي فضل يتصل بيا أكتر من مرة.

وأشارت دعاء إلى أنها تواصلت مع البنك وأوقفت الفيزا، وفتحت تحقيقا، مضيفة: لكن مفيش أي تأكيد لو الفلوس اللي اتسحبت دي هترجع ولا لأ.

 أوبر ملهمش رقم شكاوى

وتابعت: طبعا الشركة المحترمة أوبر ملهمش رقم شكاوى ومش عارفة أوصل لحد فيهم، وبعتلهم أكثر من إيميل وتواصلت مع الصفحة بتاعتهم، وبيردوا بمنتهى البرود وبلغوني أقدم شكوى وهيتواصلوا معايا وقدمت وعدى أكتر من 24 ساعة بدون رد أو حل.

رابط الفيزا بالابلكيشن

وأردفت: أنا لحد دلوقتي معرفش إزاي ده حصل وإيه السبب وإزاي شركة كبيرة زي دي ميبقاش عندها بربع جنيه أمان لبيانات العملاء، أي حد رابط الفيزا بالابلكيشن يحذفها فورًا عشان واضح إنهم مش بس بيخطفوا ويقتلوا الناس، لا بقوا يسرقوهم وهما في مكانهم كمان.