صاحبة الأيدي الناعمة تطريزها سينيه.. «بسمة» صاحبة أكبر مشغل هاند ميد فتحت أبواب رزق كتير لسيدات بلدها: مشغلي بيكبر بيهم

استطاعت بسمة اللقاني بنت مدينة دمنهور بمحافظة البحيرة في فترة لا تتجاوز 5سنوات أن تحجز لها مكان في طابور سوق البراندات العالمية من خلال منتجاتها "الهاند ميد"التى لقيت رواج كبير خلال الفترة الماضية.

قالت بسمة  "من صغري وأنا عندي هواية الرسم وبحب الخياطة والتطريز، كنت بقعد جنب أمي من وأنا عندي 5 سنين وبراقبها وهي بتستخدم ماكينة الخياطة في التفصيل، لكن عمري ما فكرت إن الهواية دي تبقى مشروع، والصدفة كانت سبب في كده لما جات كرونا وقعدت في البيت بدأ في ممارسة هوايتي ومتخيلتش أبداً إني أنجح النجاح الكبير ده .

وأضافت الفكره جات لي واحنا بنشترى مفارش زفاف شقيقتى،  صدمت بسبب ارتفاع أسعار المفارش المستوردة، وهنا قررت أن أصنع المفرش وأصبحت نقطة تحول في حياتى، بعدما تحولت الهواية إلى مشروع صغير عاد عليَّ بالفائدة، أنا وعدد آخر من الفتيات.

وأوضحت  المشكلات التي واجهتها وكان أهمها مرحلة تسويق المنتجات إلا أنها أستطاعت التغلب عليها ، وواصلت الحديث قائلة واجهتي مشكلة تانيه وهي  الحصول على المواد الخام المناسبة وبأسعار مناسبة، في البداية اتكلفت كثير بسبب قلة الخبرة، ، ومع مرور الوقت اكتسبت الخبرة،
وفتحت بيوت ستات كتير.