" انتصرت على الشيطان".. أول تعليق من أسما شريف منير بعد انتظامها في الصلاة

عادت الإعلامية أسما شريف منير، لتصدر التريند من جديد، بعد إعلانها انتظامها بالصلاة بسبب الأحداث الجارية على الأراضي الفلسطينية.

ونشرت الإعلامية أسما شريف منير، ستوري عبر حسابها الرسمي بموقع تبادل الصور والفيديوهات “إنستجرام”، أشارت خلالها إلى أنها ابتعدت تدريجيًا عن السهرات الليلية برفقة أصدقائها.

أول تعليق من أسما شريف منير بعد انتظامها في الصلاة

وكتبت: كل يوم أربعاء كنت بسهر مع صحابي، وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح، بقالي 12 يوم مرحتش، وده بدأ بأني حاسة إني عمري ما هعرف أرقص وأهيص في الوقت الصعب ده وبعدين بقى إحساس ليه علاقة بيا أنا واختياراتي.

وتابعت: ذهبت اليوم إلى مسجد صالح الجعفري وصليت، وبعد ذلك ذهبت إلى مرقد الإمام الحسين وصليت صلاة العشاء، وكان شعور بالهدوء والسكينة الشديدين، وكان قلبي مطمئنًا وسعيدًا، وعندما عدت إلى المنزل، عدت من جهة المكان الذي كنت أسهر فيه وجلست أسبح لفترة، وشعرت كما لو أنني طلعت الأولى على المدرسة، أشعر بالقوة والانتصار على الشيطان وعلى نفسي.

أسما شريف منير: أنا ضد السهر

وأضافت: ده مش عشان أنا ضد السهر، خالص بس أنا ضد أنها تبقى دي محور حياتي، ويوم ثابت كده التوازن مهم في كل حاجة، وأنا مبسوطة أني كل شوية بفوق وبصلح وحدة وحدة، أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم، وأن هيجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملي قلبك كله، ربنا يهدينا كلنا يا رب.