محمد ثروت يمدح زوجته بعد أزمة نجلهما الصحية: بنت أصول اتحملت كتير

أعرب الفنان الكبير محمد ثروت عن سعادته البالغة بتعافي نجله المخرج أحمد ثروت، مشيرًا إلى أنها أصعب فترة مرت في حياته، وأن نجله كان غير قادر على الحركة نهائيًا.

محمد ثروت يكشف حالة نجله

وقال محمد ثروت خلال لقائه مع ET بالعربي: ابني اتعرض في يوم وليلة لمرض مناعي نادر وكان فيه هجوم على الجهاز المناعي والعصبي من ناحية الشمال، وفي يوم وليلة لقيت ابني مش قادر يتحرك وكان اختبار صعب من ربنا عليا لكن الصبر والشكر لله تعالى مفيش شئ مبرر ومفيش شئ غير بإرادة ربنا.

وأضاف: مفيش أغلى من الضنا وهذه دموع شكر لله تعالى، مفيش أي شيء إلا بإرادة الله ومفيش قبل ولا بعد الصحة في حياة الإنسان، وزوجتي بنت أصول وقت مرض ابني كانت مهمتها صعبة ربنا يبارك لها حافظت على بيتها واتحملت كتير.

تامر حسني يدعم أحمد ثروت

وكان قد حرص الفنان تامر حسني على دعم المخرج محمد ثروت نجل الفنان محمد ثروت، وكتب عبر خاصية الاستوري بحسابه الشخصي بموقع التواصل الاجتماعي "انستجرام".

وكتب تامر حسني: فرحان اوي اني شايفك ماشي على رجلك لأني كنت معاك خطوة بخطوة وشوفت معاناتك وثباتك وايمانك بربنا اللي كافئك دلوقتي ورجعك تاني على رجلك وإن شاءالله هترجع احسن من الأول لأنك نجحت في إختبار ربنا ليك بصبرك وبشكرك لربنا على كل عطاياه.

وواصل: قولتلك في يوم قدام هتعرف حكمته وأعتقد بدأت تشوف، ومبروك لاستاذنا النجم الكبير محمد ثروت على نجاحه في هذا الحفل الرائع، ومبروك عودة سلامة إبنك الغالي أحمد محمد ثروت.

حالة أحمد ثروت الصحية

جديرًا بالذكر كان قد شارك المخرج أحمد ثروت مؤخرًا أحدث صورة له من داخل المستشفى وهو على فراش المرض وعلق قائلًا: وفي الصبر‬⁩ مشقة يعقبها فرح جميل فالحمد لله دائمًا وأبدًا.