هدى الأتربي: تعرضت للنصب من شركة نقل الأثاث .. خدوا العفش وقافلين تليفونهم

أعلنت الفنانة هدي الإتربي، تعرضها للنصب من قبل شركة أثاث، وذلك عبر حسابها الشخصي بموقع تبادل الصور والفيديوهات “انستجرام”.

وكتبت هدى الإتربي: مساء الخير يا جماعة دول نصبوا عليا أنا تعاملت معاهم بياخدوا الفلوس والعفش على أساس أنهم معرض، والمفروض يسلموا الحاجة بقالهم أكتر من 4 شهور وكل مرة يديني معاد للتسليم ويقفل تليفونه.

هدي الإتربي تتعرض للنصب

وأضافت الإتربي: المكان بتاع المعرض اللي قال عليه طلع غلط، ومش كاتب مكان للمعرض بتاعه على الصفحة اللي بيتعامل منها، وكل الصور اللي عنده من صفحات تانية وأنا هاخد إجراء قانوني معاه ياريت أي حد يخلي بالو ودي الأرقام اللي بحاول اتواصل بيها واللي الصفحة بعتتهالي أنه ده صاحب المكان كلهم مقفولين.

وأتبعت الفنانة: اكتشفت لما جبت البطاقة بتاعه صاحب المعرض أنه مش مهندس أصلا وأنا اتخذت ضده أجراء قانوني، وبدء يتفتح تحقيق فى الواقعة، ولما المحامي كلمة انكر انه أخدت منى فلوس.