عمرو أديب يهاجم لاعبي الزمالك بعد الخسارة من الشباب السعودي في البطولة العربية

هاجم الإعلامي عمرو أديب لاعبو الزمالك وخاصه حارس المرمى محمد صبحي ،وذلك بعد العصبيه الزائدة التي كلفت الزمالك المباراه والنقاط الثلاث.

وقال عمر أديب في تصريحات تلفزيونية عبر برنامج الحكايه:”أنا مبتكلمش على النتيجة، انت عشان تركز وتبقى جوا المباراة متخليش حد يستفزك، بقت حاجة غريبة كل ماتش صبحي يطلع واللعيبه تتعصب، وبعدين هو ‘حنا معندناش جول تاني غير صبحي ولا إيه؟ الراجل محتاج أعصابه تهدى شويه.

وواصل :خناق وزعيق وشتايم وزق، طب وبعدين وأخرتها ، نفس الشئ مع زيزو إنت لعيب محترف ودولي ونجم، إنت اللي تلم زمايلك وتقولهم نهدى، والنتيجه كانت ممكن السكور كان سهل مش حاجه متتعوضش.

وتابع:”أتمنى إن الأمور تدارك في مباراه النصر، هو مش فريق قوي أوي يعني ولكن أقوى من المنستيري ومن الشباب.

وأتم:”الكابتن شيكابالا برضو متعصب ومتضايق أخرتها ايه معرفش”.