محمد هنيدي: بتعب وبشتغل عشان جمهوري اللي على السوشيال ميديا

كشف الفنان محمد هنيدي سبب تفاعله الدائم مع جمهوره على السوشيال ميديا، مشيرًا إلى أنه يعمل ويتعب من أجل ذلك الجمهور.

وقال هنيدي خلال لقائه مع الإعلامي معتز الدمرداش: حب الناس ليا على السوشيال ميديا كرم من رب العالمين والله العظيم، وربنا حبب الناس فيا، وبيساندني.

وأضاف: أنت بتتعب طول الوقت علشانهم وعلشان ذوقهم ورأيهم في نفس الوقت دي نوافذ بتكلم من خلالها وأجمل حاجة تتكلم من خلالها مع الناس إنك تشتغل لهم.

محمد هنيدي يدافع عن رحمة أحمد

كان قد دافع محمد هنيدي عن الفنانة رحمة أحمد، قائلًا: "واحدة طلعت في سنة وطوب الأرض حبها وشكر فيها ودا يعني إن فيه موهبة من عند ربنا وحاجة جميلة أيًّا كانت اتفقنا اختلفنا زودت في الدور أو قللت أو أفورت نقوم نقطع رقبتها".

واستطرد خلال تصريحات تليفزيونية: "الهجوم كان شديد عليها، اللي يحكم على الأفورة المشاهد بس نناقش على الموضوع بهدوء، ولكنها موهبة كلنا فرحنا بيها وأنا أول واحد وهي كوميدية من الطراز الجميل وإذا كانت أفورت تظبط نفسها ما أفورتش خلاص لكنها كوميدية مهمة ورهيبة".

وتابع: "لو ما وافقتش إن بنتي تشتغل في التمثيل دا مش معناه إن المهنة فيها حاجة لإني أنا بنتمي ليها وأتشرف لكنها شاقة واللي موافق على كدا أهلًا وسهلًا، وبنتي هي المسؤولة حاليًّا عن شركة الإنتاج الخاصة بيَّ".