محمد هنيدي: مهم جدا متفرضش نفسك على الناس كبطل

يحل الفنان محمد هنيدي، ضيفا على الإعلامي معتز الدمرداش في برنامج “ضيفي”، المذاع عبر شاشة الشرق، يوم الجمعة المقبل.

وعرض البرومو الخاص بالحلقة والتي سيتم عرضها الساعة الثامنة مساء بتوقيت السعودية، ومن المقرر أن يكشف الفنان محمد هنيدي خلالها عن رحلته ونجاحه في عالم الفن، وأقرب إيفيهاته لقلبه، مرورا بأحدث أعماله وغيرها من المواضيع.

ووجه الإعلامي معتز الدمرداش سؤال للفنان محمد هنيدي حول سر نجاحه، ليرد هنيدي قائلا:" مهم جدا متفرضش نفسك على الناس كبطل .. لازم هما اللي يطلبوك .. هو ده سر النجاح".

محمد هنيدي يدافع عن رحمة أحمد

كان قد دافع محمد هنيدي عن الفنانة رحمة أحمد، قائلًا: "واحدة طلعت في سنة وطوب الأرض حبها وشكر فيها ودا يعني إن فيه موهبة من عند ربنا وحاجة جميلة أيًّا كانت اتفقنا اختلفنا زودت في الدور أو قللت أو أفورت نقوم نقطع رقبتها".

واستطرد خلال تصريحات تليفزيونية: "الهجوم كان شديد عليها، اللي يحكم على الأفورة المشاهد بس نناقش على الموضوع بهدوء، ولكنها موهبة كلنا فرحنا بيها وأنا أول واحد وهي كوميدية من الطراز الجميل وإذا كانت أفورت تظبط نفسها ما أفورتش خلاص لكنها كوميدية مهمة ورهيبة".

وتابع: "لو ما وافقتش إن بنتي تشتغل في التمثيل دا مش معناه إن المهنة فيها حاجة لإني أنا بنتمي ليها وأتشرف لكنها شاقة واللي موافق على كدا أهلًا وسهلًا، وبنتي هي المسؤولة حاليًّا عن شركة الإنتاج الخاصة بيَّ".