نجوى فؤاد لـ«بصراحة»: اعتزلت الرقص نهائي وحلفت على القرآن مرجعش ليه تاني

قالت الفنانة نجوى فؤاد أنها اعتزلت الرقص منذ أكثر من 17 عام، بعد دخول الراقصات الأجانب وانتشارهم في الوطن العربي بشكل كبير.

وقالت نجوى فؤاد في تصريح خاص لـ"بصراحة": اعتزلت الرقص من 17 سنة، وحلفت يمين على القرآن وقولت يارب متعودنيش له تاني، والوسط مبقاش زي الأول بقى كله روسيات وملط شغلانة بقت وحشة.

وأضافت: المطرب أو المطربة اللي يقولوا مش عايزين رقاصة في الفرح يرقصوا هما بقى، الشغلانة باظت أصلًا المطربين بقوا رقاصات، فين زمن فايزة ووردة وسعاد محمد، كل اللي طلعت من المعهد بقت رقاصة في يوم.

نجوى فؤاد تتصدر التريند

وكانت قد تصدر اسم الفنانة نجوى فؤاد جميع مؤشرات البحث في الساعات الأخيرة، وذلك بعد تداول تصريحات قد أدلت بها منذ عدة أشهر من خلال برنامج “كلام الناس”، الذي تقدمه الاعلامية ياسمين عز، ويعرض على مجموعة قنوات mbc.

وقالت نجوى انها ترفض أن تزور بيت الله أو أن تحج، لانها ان فعلت سوف تعتزل الفن، قائلة:خايفة أحج عشان معتزلش الفن لأني ناوية يوم ما أحج أعتزل واسيب التمثيل والمكياج والبس الحجاب وأنا مش عايزة أبطل تمثيل دلوقتي