نجوى فؤاد لـ«بصراحة»: معتزلتش الفن.. ومعرفش مين منى فاروق دي

أعربت الفنانة نجوى فؤاد عن استيائها الشديد بسبب شائعات اعتزالها الفن، مشيرة إلى أنها لا تعرف مصدر تلك الشائعات، وهي الآن تمر بوعكة صحية.

وقالت نجوى فؤاد في تصريح خاص لـ"بصراحة": أنا معتزلتش الفن ليه يطلع عليا كلام زي ده، نفسي أفهم مين طلع الإشاعة القذرة دي أنا عاملة عملية القطنية في ضهري بقالي شهرين تلاتة وبعدين ما في كتير ناس اتكسرت ورجليهم اتجبست بتاخد وقت مش بسرعة بتشفى، مطلعين إشاعة غريبة جدًا.

وأضافت: يعني ازاي أبقى عملية عملية وعايزني أنزل أعمل أفراح وأعياد ميلاد، وبعدين الحر ده في نملة قادرة تخرج، الراجل بيخرج عشان شغله، إنما الحر ميسمحش حد يخرج من بيته، بقالي 20 يوم.

وعن رأيها في قرار بعض الفنانات بالاعتزال، قالت نجوى فؤاد: معرفش مين منى فاروق دي مسمعتش عنها، وميرهان حسين يمكن جالها جوازة فيها طيارة أو عربية كارو عشان كده فكرت تعتزل، وترجع تاني بعد ما تخلص شغلانة بقت سمك لبن تمر هندي.

نجوى فؤاد تتصدر التريند

وكانت قد تصدر اسم الفنانة نجوى فؤاد جميع مؤشرات البحث في الساعات الأخيرة، وذلك بعد تداول تصريحات قد أدلت بها منذ عدة أشهر من خلال برنامج “كلام الناس”، الذي تقدمه الاعلامية ياسمين عز، ويعرض على مجموعة قنوات mbc.

وقالت نجوى انها ترفض أن تزور بيت الله أو أن تحج، لانها ان فعلت سوف تعتزل الفن، قائلة:خايفة أحج عشان معتزلش الفن لأني ناوية يوم ما أحج أعتزل واسيب التمثيل والمكياج والبس الحجاب وأنا مش عايزة أبطل تمثيل دلوقتي