خلال ندوة صحفية بموقع بصراحة| الكاتب الصحفي محمد هاني يكشف قصة الظهور الوحيد له كمقدم برامج

كشف الكاتب الصحفي الكبير محمد هاني عن قصة الظهور الوحيد له كمقدم برامج على شاشات التلفزيون، مشيرًا إلى أنه لا يحب ظهوره كمذيع وفعل ذلك من أجل إضافته في سيرته الذاتية.

وقال محمد هاني خلال ندوة خاصة بموقع بصراحة الاخباري: "بعتبر نفسي صانع من الأسماء المهمة في هذا المجال لكن متصورتش نفسي ولا كان شغفي ولا حلمي أكون على الشاشة عملتها مرة واحدة عشان تكون في الـ cv وتعتبر تاريخية والبرنامج كان اسمه واجه الصحافة، وكان بيقدمه عمرو خفاجي وائل الإبراشي محمد هاني".

وأضاف: اتعمل في البرنامج حلقات تاريخية منها" فاروق حسني، الفريق سعد الشاذلي، وغيرهم كتير"، وأنا بعمل البرنامج ده كان عشان الـ cv وأقدر أحس باللي قدام الشاشة، عشان أقدر اتعامل معاه وأحس هو بيفكر ازاي".

وواصل: "أعتقد إني أجدت جدًا في البرنامج ده وقدرت أعمل حاجة مهمة بس أنا عمري ما شوفت نفسي مذيع، وأبقى قدام الشاشة، وعمري ما كنت هعمل التجارب اللي عملتها لو قولت ليه أنا مكنتش مكان كذه".

ويعد الكاتب الصحفى والإعلامى محمد هانى واحد من صناع الإعلام فى مصر والعالم العربى ، حيث ترأس عدد كبير من البرامج التليفزيونية أبرزها برنامج البيت بيتك ، كما أسس وتولى إدارة قناة cbc، ونجح خلال تواجده فى تحقيق انتشار واسع ونجاح.