ماذا قال السيسي عن سد النهضة؟.. النص الكامل للكلمة الرئيس: محدش هيقدر ياخد نقطة مياه من مصر.. واللي عاوز يجرب يجرب.. مياه مصر خط أحمر والمساس بها هيأثر على استقرار المنطقة كلها

على هامش المؤتمر الصحفي العالمي، الذي عقده الرئيس عبدالفتاح السيسي، تطرق الرئيس خلال حديثه للحدث عن سد النهضة الإثيوبي، موجهًا رسالة شديدة اللهجة حال المساس بحق مصر التاريخي في المياه.

اقرأ أيضا..بعد تعويم السفينة الجانحة.. الرئيس السيسي في جولة تفقدية بقناة السويس

وأكد الرئيس أن حال عدم الوصول لاتفاق ملزم وقانوني بشأن ملء وتشغيل سد النهضة، سيؤدي ذلك لحالة من عدم الاستقرار في المنطقة بالكامل، مشددة على أن مياة مصر خط أحمر لن يسمح لأحد المساس به.

اقرأ أيضا.. الرئيس السيسي: محدش يقدر ياخد نقطة مياه من مصر.. واللي عايز يجرب يجرب

وإلى نص كلمة الرئيس السيسيخلال المؤتمر الصحفي العالمي، على هامش زيارته لهيئة قناة السويس بعد نجاح جهود تعويم السفينة البنمية:

لن يستطيع أحد الحصول على قطرة مياه من مصر وعدم التوصل لاتفاق بملف سد النهضة يؤدي لحالة من عدم الاستقرار في المنطقة لا يتخيلها أحد.

الموضوع اللي احنا بنتكلم فيه اللي هو موضوع المياه.. الموضوع اللي شاغلني وشاغلكم كلكم.. أنا بس عاوز أقول إن موضوع التفاوض ده خيارنا اللي بدأنا بيه.

وعاوز أقولكم.. أنا هقفز كدهعلى حاجة عمري ما تكلمت فيها.. العمل العدائي قبيح وليه تأثيرات كبيرة جدا تمتد لسنوات طويلة، لأن الشعوب مابتنساش ده.. فإحناعشان حتى وإحنا إعلاميين بنتكلم على أن المعركة بتاعتنا معركة تفاوض، وكل يوم الرأى العام العالميوكبار المسئولين في دول العالم بترى وإحنا بنكسب أرض بأن إحنا جادين في إن إحنا بنتفاوض بشكل يحقق الكسب للجميع.. يعني ميبقاش حد يتأثر بحاجة.. وكل اللي بنطلبه أمر لن يخرج عن القوانين والمعايير الدولية المعمول بيها في التعامل مع هذه الموضوعات.. اللي هي المياه العابرة للحدود..

إحنا ماشيين في ده ويمكن خلال الأسابيع القليلة القادمة هيبقى في تحرك.. يعنى إضافي للمفاوضات في هذا الموضوع.. نتمنى أن أحنا نصل لاتفاق قانونى ملزم بشأن ملئ وتشغيل السد.

إحنا مابنتكلمش كتير.. بس أنا بقول للناس كلها.. محدش هيقدر ياخد نقطة ميه من مصر.. واللي عاوز يجرب يجرب.. إحنا مابنهددش حد.. لو سمحتوا بقى.. إحنا عمرنا مهددنا ودايما حوارنا رشيد جدا يعني صبور جدا.. لكن محدش هيقدر ياخد نقطة ميه من مصر وإلا هيكون في حالة من عدم الاستقرار في المنطقة لا يتخليها أحد.. لا يتخيلها أحد.. محدش يتصور أن يقدر يبقى بعيد عن قدرتنا.. لأ..

أنا عمرى ما تكلمت كدهومابهددتش حد.. هقول تانى.. مية مصر لا مساس بيها.. والمساس بها خط أحمر، وهيبقى رد فعلنا في حالة المساس بها أمر هيأثر على استقرار المنطقة بالكامل.. شكرا.