حسين حجاج يكشف سر غيابه: بشتغل في ورشة تصليح سيارات لإن التمثيل مالوش أمان

كشف الفنان حسين حجاج سر غيابه الفني، مشيرًا إلى أنه لا يعتمد على مهنة التمثيل في حياته، ويعمل حاليًا في ورشة سيارات.

وقال حسين حجاج خلال حواره مع الإعلامية انجي هشام في برنامج المنسي: من ٨٦ اشتغلت في ورشة تصليح سيارات وجالي التمثيل وأنا شغال في نفس المهنة ومقعدتش في القاهرة لأني مش حاببها ولما بيكون عندي تصوير ببات فيها وتاني يوم أرجع المنيا، ليه مشروع ناجح اقفله وفي ناس بتاكل عيش ؟"

وأضاف: التمثيل مالوش أمان وأعرف ممثلين كتير مش لاقية تاكل والممثل اللي النهاردة ميعملش مشروع جنب الفن بتاعه خسران كل حاجة، في فنانين دلوقت مش لاقين ياكلوا.

حقيقة خلاف حسين حجاج ومحمد هنيدي

وكان قد تحدث الفنان حسين حجاج حقيقة خلافه مع الفنان محمد هنيدي وسر عدم تعاونهما سويًا بعد شخصية لؤي، مشيرًا إلى أنه هو من قال له لا أريد أن يعمل معه.

وقال حسين حجاج خلال لقائه مع الإعلامية إنجي هشام: مش زعلان من هنيدي كل الحكاية أن كان في لقاء تليفزيون وقالو لي مبيسألش عليك قولتلهم مبيسألش أنا اشتغلت معاه فيلم صعيدي في الجامعه الامريكيه وكان فيلم ناجح جدًا.

وأضاف: مرة قابلته بعدها بسنه أو اتنين قولتله ايه انت نسيتني ليه؟ قالي مينفعش نشتغل مع بعض تاني قولتله طب ليه قالي اصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض.

وواصل: لقيت كلامه مش منطقي الناس لما بتلاقي حد ناجح في مشهد بتجيبه لكن ده بيقول العكس لكن أنا مش زعلان منه ولا حاجه هو حر، أنا معرفش هوا جواه ايه أنا قابلته ساعتها في هيلتون رمسيس وكان معاه ساعتها الاستاذ هاني رمزي وانا كنت رايح اسلم على هاني رمزي.