نهاد أبو القمصان ساخرة من أسعار الساحل: الشاي بـ 150 جنيه وشربته وأنا بعيط

نشرت نهاد أبو القمصان المحامية والناشطة الحقوقية فيديو على موقع "تيك توك"، سخرت فيه من أسعار الساحل.

وقالت نهاد أبو القمصان: إن الأسعار في الساحل الشمالي، مشيرة إلى أن هناك مثل يوناني مشهور بيقول "لما تدخل حلبة الرقص أرقص" ودة معناه أن حضرتك يا تقعدوا في مجتمع أنتو منسجمين معاه يا متروحوش أصلا.

وأضافت: "في ناس كتيرة تدخل مجتمعات شايفة انها هتفطس علشان تدخلها ولما تدخل يقعدوا يصوتوا".

وتابعت: إمبارح أصحابي عزموني على مكان بالساحل الشرير جميلة وزحمة جدًا، وبصيت على منيو المكان لقيت الشاي بـ 150 جنيها، والصراحة كنت عاوزة شاي بـ لبن فخوفت إن سعره يوصل لـ 1500 جنيه وقعدت أشرب الشاي وأنا بعيط".

واختتمت: الناس إلى بتشتكي من أسعار الساحل الشمالي متروحش أو متشتكيش من الأسعار، لأن أصحاب العقارات بالساحل شارينها بـ 50 أو 100 مليون جنيه، فمش هيفرق معاه 150 جنيه".