قلوبنا هتقف من الخضة.. نجوم الفن ينعون المخرج الراحل إيهاب أبو اليزيد بكلمات مؤثرة: نرجوا من جميع جمهورنا الدعاء له

رحل عن عالمنا صباح اليوم 30 يونيو المخرج إيهاب أبو زيد،رئيس شبكة قنوات النهار، تاركًا في قلوب العديد من محبيه حزنًا واسعًا بعد وفاته.

وحرص العديد من نجوم الفن على تقديم واجب النعي في وفاة إيهاب أبو زيد، عبر حساباتهم بمواقع التواصل الاجتماعي، ونرصد لكم في السطور التالية أبرز نجوم الفن المقدمين واجب العزاء في إيهاب أبو زيد.

حسام داغر ينعي إيهاب أبو زيد

كتبحسام داغرعبر حسابه الشخصي بموقع التواصل الاجتماعي فيسبوك: أنا قلبي هيقف من الخضه .. معقول بيساطه كده انام و اصحي الاقيك مشيت يا ايهاب .. ده انا تليفوني و تليفون اخويا مبطلش رن منك و انا في المستشفي في العنايه لحد ما انا خرجت و سمعت صوتي و قلتلي انا كده اطمنت عليك.

وأضاف:ده لسه في احلام و مشاريع كتير بتفكر فيها سوا .. ببساطه كده ازمة قلبيه مفاجاة .. ده انت اكتر واحد كنت متحمس لمشروعي دكتور داغر و كنت هتشرف فيه علي الاخراج مع علي و انت المخرج الكبير المدير القائد مفكرتش لحظة متقفش جمبنا.

وواصل:فاكر انت اول واحد كنت واثق فيا و موهبتي و ادتني بطوله في راديو ستار سنه ٢٠٠٥ و اقنعت بيا علي رجب بعدك لما كمل المسلسل .. لاحول ولا قوة الا بالله ايهاب الاخ الكبير الغالي المحترم في ذمة الله.

واستكمل:ربنا يصبرك يا ادم يا حبيبي انا لقيت ميسد منك الفجر و انا نايم اكيد كنت عاوز تبلغني الي حصل لبابا … ربنا يرحمك يا حبييي .. قلبي هيخرج من مكانه من ضرباته من خضتي عليك .. يا رب تكون في مكان احسن يا ابن الاصول ياما حكتلي عن باباك الاستاذ احمد ابو زيد مدير الاذاعة المصريه زمان و تعلقك الشديد بيه .. هو في انتظارك ياخذك في حضنه بعيد عن دوشة الدنيا و قلقها .. الله يرحمك يا حبيبي الله يرحمك يا ايهاب.

ريهام عبد الغفور تنعي إيهاب أبو زيد

كتبتريهام عبد الغفورعبر حسابها الشخصي بموقع التواصل الاجتماعي فيسبوك:لا حول ولا قوة إلا بالله، خبر آخر صادم وحزين، الله يرحمك ويحسن إليك ويصبر أهلك وكل حبايبك،الموت المفاجئ كتر بشكل مرعب، ربنا يحسن ختامنا جميعًا، الفاتحة من فضلكم.

صلاح عبدالله ينعي إيهاب أبو زيد

كتب الفنان صلاح عبد الله عبر فيسبوك: حزين ومصدوم ومش مصدق ومش عايز أصدق وعمال أسمع الڤويس اللي بعتهولي في العيد وأبكي.. وجعت قلبي قوي يا حبيبي.. أرجوكم أرجوكم أرجوكم قبل الفجر وبعده الدعاء للمخرج الكبير ومدير التصوير ورئيس شبكة تليفزيون النهار".