شخص كسول.. شيكو يكشف سر عدم تعاون هشام ماجد معه في فيلم «ابن الحاج أحمد»

تحدث الفنان شيكو، عن سر عدم تعاونه مع الفنان هشام ماجد في فيلم “ابن الحاج أحمد”، الذي عرض في عيد الفطر المبارك، مشيرًا إلى أن عدم مشاركته معه كان شئ غريب في التصوير.

وقال شيكو خلال لقائه مع ET بالعربي: أنا أول مرة أعمل حاجة من غير هشام، حتى في التحضيرات الخاصة بالفيلم ودي حاجة بالنسبة لي غريبة وجديدة عليّ، وطبعا مسؤولية كبيرة بس الحمدلله الناس مبسوطة.

وأضاف: لكن اطمئن الجمهور عندنا مشروع فيلم جديد سويا وهذا لا يمنع إن ممكن حد يشتغل لوحده ونرجع نشتغل مع بعض، وأنا وهشام زي الفل ومفترقناش، وكما ذكرت عندنا مشروع جديد مع بعض.

وواصل: لكن اللي بتجيله حاجة عايز يعملها ومينفعش إحنا الاتنين نبقى في نفس المكان بيعملها عادي، وهنفضل نشتغل مع بعض، هشام صديق عمري من 26 سنة.

وأضاف: هو شخص كسول أويوعايش اللحظة ودور مش دوره هو في الآخر إنسان بسيط ابن راجل بسيط، لديه محل بقالة، بس مش عاجبه الحياة دي لحد ما يصطدم بحقيقة والده وإنه كان فاكره راجل بسيط ولكن طلع مش بسيط خالص.

أبطال فيلم ابن الحاج أحمد

جديرًا بالذكر أن فيلم "ابن الحاج أحمد" بطولةشيكو، سيد رجب، رحمة أحمد، صبرى فواز، محمد لطفى، مصطفى غريب، عايدة رياض، الطفل منذر مهران وآخرين.