«جوزي سرق القرض وهرب».. القصة الكاملة لسيدة تعرض كليتها للبيع في أحد شوارع الإسكندرية: جبت قرض من البنك لجوزي علشان يعمل مشروع نعيش منه سرقه وهرب وسابني للبنك

في أحد شوارع الإسكندرية تقف سيدة تدعى ندى في مقتبل عمرهال وتحمل بيديها ورقة مدون بداخلها “عايزة أبيع كليتي” لافتة أثرت المآرة على كورنيش الإسكندرية ومما جعلهم يتسألون وسط نظرات حسرة وحزن على حالها لماذا تريد شابة صغيرة بيع عضو من جسدها.

استغاثة زوجة من زوجها بالإسكندرية

والتقت عدسة موقع “بصراحة الإخباري” مع الشابة «ندى» لمعرفة سبب حملها لتلك الافته في أحد شوارع الإسكندرية ومطالبتها بيبيع كليتها وأخذ ثمنها، قائلة “أنا اتجوزت من فترة ومن بعد الجواز جوزي رفض يشتغل وبقا قاعد في البيت وكمان امتنع عن دفع إيجار الشقة ودا خلي صاحب السكن يطردنا منها وبقينا في الشارع.

وأضافت “بعد مابقينا في الشارع ذهبنا إلى بيت حماتي علشان نعيش معاها وهي أول ماشفتنا مشيت وسابت السكن وبقينا فيه لوحدنا، وفجأة جوزي بقا يشرب مخدرات ويضربني ويعذبني وينزلني أشتغل علشان ياخد مني المرتب وبقيت بشتغل خدامة في البيوت علشان أكفى مصاريف البيت ومصاريف والدتي علشان عندها كانسر.

وتابعت “فضلت كتير أقنع فيه ينزل يشتغل وبالفعل وافق بس اشترط عليا أجبله قرض علشان يفتح عربية يشتغل عليها وأنا فرحت ووافقت علشان يساعدني وأول ماجبت القرض وأخذه هرب وسبني للبنك ولما قولت لإهله قالولي إحنا مالناش دعوة بيكي وطردوني في الشارع”.

وأختتمت “البنك طالب مني أسدد الفلوس علشان مايحبسنيش وأهلي سابوني ومش عايزني وأنا مش عارفة أعمل أي وهو خد الفلوس وهربان ونفسي حد يساعدني أطلق وأدفع الفلوس.