"3 أسباب أولها الطبخ".. ياسمين عز تكشف سبب مقولة أطلب إيد بنتك يا عمي

فسرت مقدمة البرامج ياسمين عز مفهوم "طلب اليد للزواج"، ولماذا اليد تحديدا دون عن باقي أعضاء الجسم.

قالت ياسمين عز: ليه الراجل لما بيروح يتجوز أو يتقدم للست بيطلب إيدها مابيقولش يا عمي أنا طالب ودان بنتك أو مناخيرها، سؤال ممتاز، من الأسئلة اللي لازم نفكر فيها بعمق، وماتلاقيش إجابته إلا هنا عندي، خلونا نرجع للتاريخ، اول حاجة الرجل الفخيم رغم بساطته والبسيط رغم فخامته، السهل الممتنع، لما بيروح يطلب إيد واحدة في الأصل زمان قالوا عشان 3 أسباب، الأول لأن الإيد دي هي اللي بتطبخ، يعني هنا لازم البنت لما تتجوز تكون عارفة ان اساسيات الجواز هي الطبخ، لازم تتعلمي تطبخي، ولو بتعرفي يبقى تفلسفي في المطبخ وفي الأكل زي ما بتتفلسفي عليا"، حسب تصريحاتها ببرنامج "كلام الناس".

تصريحات ياسمين عز

وأضافت: واحدة هتطلع تقولي يعني انتي اختصرتي الموضوع وكياني في الطبخ، شوفي بقى تسرعك، والهجوم غير المبرر مش هيجيب لك جوازة حلوة، اصبري تتجوزي أحلى جوازة، اصبري عشان جوزك يقولك مراتي صابرة، اصبري واسمعي السبب الثاني، وهو الحاجة الوحيدة اللي يقدر يلبسك فيها خاتم أو دبلة هي إيدك، لذا اختار إيدك، شوفي بقى لما صبرتي في السبب الأولاني الطبخ، نلتي السبب الثاني، قدمي السبت عشان تلاقي الأحد، تعملي له حلة محشي بجنيهات هو يقدم لك الأحد ويجيب لك دبلة ذهب، أو خاتم ألماس حسب مقدرته، انت قدمتي الطبخ وهو قدم الذهب والألماس، كم أنت كريم أيها الرجل، كم أنت عظيم أيها الرجل، كريم ومعطاء.