حسن الرداد يشارك صورة تجمعه بـ محمد صلاح.. ويعلق: انسان متربي ومتواضع
![محمد صلاح وحسن الرداد محمد صلاح وحسن الرداد](https://media.besraha.com/2023/8/large/6/4/969.jpg)
شارك الفنان حسن الرداد صورة تجمعه بـ لاعب كرة القدم المصري محمد صلاح، وذلك عبر حسابه الشخصي بموقع التواصل الاجتماعي فيسبوك.
وعلق حسن الرداد قائلًا: انسان جميل و متواضع و متربي و يستاهل حب الناس الكبير ده، طبعا انا من عشاق صلاح المتعصبين له بشكل كبير و من الناس اللى فعلا بحبهم جدا كانه واحد من عيلتى و كنت عايز اقابله ، مبسوط انى شفتك يا صلاح و ربنا يكرمك و يسعدك يا رب.
علاقة حسن الرداد بزوجته
في وقت سابق كان قد كشف الفنانحسن الردادأثناء استضافته من برنامج "صاحبة السعادة" عن طريقته في محاولة مساعدة زوجته ايمي في تخطي مرحلة ما بعد وفاة والدها ووالدتها بقوله : "البنت حبيبة أبوها، وإيمى كانت متعلقة جداً بوالدها بصورة كبيرة، وبالتالي كان عليا إنى أحاول املا أي فراغ في حياتها، ولأن الظرف اللى مرت بيه جه بعد فترة قليلة من وفاة والدتى، فكنت ساعات أجى أعيط أقول لنفسى خلاص مش دلوقتى علشان إيمى، خاصة إنها طفلة وكان والدها الرجل الأول والأخير فى حياتها".
وأضاف عن وقوفه في العزاء وإشادة الناس به هو ورامى قائلاً : "ده الطبيعى، وإحنا ما كناش واقفين كده علشان زوجاتنا فقط، ولكن علشان دول أهالينا، وبالتأكيد ما عملناش غير الطبيعي أو المفروض يحصل".
روى الفنانحسن الردادموقفا كوميديا مع زوجته الفنانة إيمي سمير غانم قائلا: "أنا طول عمرى ما بحبش الحيوان اللى حركته سريعة، وتاريخي مع القطط والكلاب زي الزفت، يعني كنت أنزل أجيب حاجة من الشارع ألاقى كلاب بتجري ورايا، فطلعت بخاف من الكلاب وبعتبره عدو للإنسان، أما القطط أبقى في مكان ألاقى قطة ترعبنى فجأة، وأروح أي مكان ألاقى القطة تسيب الناس وتقعد جنبى".
وأضاف أثناء استضافته خلال برنامج "صاحبة السعادة" مع إسعاد يونس: "ولكن لما اتجوزت إيمي شفت الكلاب قد إيه بيعتبرها اللى بيربيها واحد من عياله، زي ما شفت إيمي عاملة مع الكلاب والقطط، وبتأكلهم طول الوقت، وبعدها في مرة إيمي قالت لى واحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلى مدح طبعا، ده أنا كنت بقول لبابا كده إن هو والكلاب أكتر حاجة بحبها في حياتى".
كما كشف الفنان حسن الرداد، عن كواليس استعداده لفيلمه الأخير "تحت تهديد السلاح"، قائلا: "حينما علمت أن الفيلم مبنى على قصة حقيقية أخذها أيمن بهجت قمر من ملفات بمكتب محاماة أعطانى الأمر دفعة أكبر للعمل على الشخصية بصورة زائدة، فحاولت الاستعداد بكل ما أوتيت من قوة ومعرفة حتى أننى تواصلت مع طبيب لمعرفة أمور عديدة تساعدني على أداء ولعب الشخصية".