الدنيا اسودت في وشي.. رد فعل مفاجئ من أحمد السقا داخل مستشفى الناس بعد علاج حالة من السرطان

أجرى الفنان الكبير أحمد السقا، زيارة خاصة لمستشفى الناس للأطفال، وذلك عقب تدخله لعلاج حالة مريضة بالسرطان.

أحمد السقا: الدنيا كانت اسودت في وشي

وقال السقا، خلال زيارته للمستشفى أمام الأطباء: "الحالة المريضة دي زي أخويا الصغير.. ممكن أقول زي ابني كمان.. حالته صعبة وممكن أقول أن اللي كان فاضل في عمره أيام معدودة".

وأوضح السقا، أن جميع الأطباء أكدوا تأخر حالة الطفل، مشيرًا بالقول: "لفيت بيه مصر كلها.. لدرجة أن الدنيا اسودت في وشي.. ومبقتش عارف أقدر أساعده إزاي غير بس أني أطول في عمره شوية".

ورغم سوء حالة الطفل، أكد السقا أنه لم يفقد الأمل مطلقًا، ساعيًا بكل ما أوتي من قوة لعلاج الطفل المريض، موضحًا أن الطرق جميعها قد أغلقت بوجهه، ولم يتبقَ سوى مستشفى واحدة هى "مستشفى الناس".

رد فعل مفاجئ من أحمد السقا داخل مستشفى الناس بعد علاج حالة من السرطان

واستطرد السقا، قائلاً: "كل الأطباء قالوا مفيش فايدة.. مفيش حل.. مفيش علاج.. مفيش أمل.. الموضوع خلص.. الولد هيموت.. وبمجرد ما كلمت مستشفى الناس استقبلوه وتأكدت تمامًا إن جسمه أصبح خاليًا من السرطان.. خدت الحالة من شعر رأسه لحد ضافر رجله.. ودولوقتي ماشي على رجله.. ومكنتش أحلم بأكتر من كده".

واختتم السقا، زيارته للمستشفى برد فعل مفاجئ، حيث انحنى للأطباء الحاضرين، قائلاً: "لو حد المفروض ينحني للتاني.. فأنا اللي هنحني ليكوا.. بشكركم كلكم".